Jān Būreejitonji eo Kein Kajuōn
Mennin Letok eo Eļap an Anij
Jān Būreejtōn Russell M. Nelson
Jān “Kam̧m̧oolol n̄an Anij,” Liaona, Māe 2012, 77–80.
Juon raan Sister Nelson im N̄a kar lo jet ek ilo juon jikin kaloojoj menin mour in lojet. Ek ilo kōļar ko rebbōl im oktak jekjekier im wāweeier rej etal itok. Iaar kajjitōk ippān juon rijerbal epaak, “Won ej najidik ek kein reaibojooj?”
Lio eaar uwaak, “N̄a.”
Innām iaar kajjitōk, “Ek kein renan̄in ke kar kam̧m̧oolol eok?”
Lio eaar uwaak, “Rejan̄in de!”
Jet armej rej āinwōt ek ko. Rejjab jeļā kōn em̧m̧an eo an Anij n̄an er. Eļapļo̧k an em̧m̧an eļan̄n̄e aolep armej remaron̄ kar ļapļo̧k aer jeļā kōn iakwe eo an Anij im kwaļo̧k kam̧m̧oolol n̄an E.
Kam̧m̧oolol kōn Jisōs Kraist
Anij eaar kar jilkintok Nejin, Jisōs Kraist, n̄an jipan̄ kōj. Eaar kōm̧m̧ane menin kōnke Ej ekanooj iakwe kōj.
Jisōs eaar itok n̄an lo̧mo̧o̧ren kōj.
Kōnke Pinmuur eo An, jemaron̄ in jerkakpeje ālkin mej.
Kōnke kōn Pinmuur eo An, jemaron̄ bar jepļaak im mour ippān Jemedwōj Ilan̄ n̄an indeeo.
Jisōs eaar kōmeļeļeiki:
“N̄a jerkakpeje eo im mour eo: Eo ej lōke Eō, men̄ e mej, enaaj bar mour: Im jabdewōt eo ej mour im lōke Eō, e jamin mej indeeo.” (Jon 11:25–26).
En̄in ej ennaan eo em̧m̧an an Ijtō!
Jisōs Ej Aō Rilo̧mo̧o̧r
Jisōs eaar jerkakpeje ilo jibbon̄ōn Ijtō eo. Riiti naan ko n̄an lale ta ko Eaar kōm̧m̧ani n̄an kōj. Kōļare ilo juon koon aļ ālkin am̧ riiti kajjojo naan. Innām kōļare aolepān pija in.
-
Jisōs eaar en̄taan ilo Gethsemane im ioon dōbwāāl eo n̄an lo̧mo̧o̧ren kōj jān jerawiwi ko ad.
-
Jisōs eaar mej im eaar jerkakpeje n̄an lo̧mo̧o̧ren kōj jān mej.
-
Jisōs ekar letok n̄an kōj kwojkwoj eo n̄an jipan̄ kōj keememej E.
-
Jisōs Kraist eaar katakin kōj n̄an jeorļo̧k an ro jet bōd.
-
Jisōs Kraist eaar kwaļo̧k wāween ad jouj n̄an ro jet.
-
Kōnke kōn Jisōs, jenaaj aolep jerkakpeje ālkin ad mej.