2019
Kajjieon̄ jet M̧antin Ijtō Kāāl ko
Eprōļ 2019


Kajjieon̄ jet M̧antin Ijtō ko Rekāāl

Ijtō in, kojerbal elōn̄ļo̧k iien kakeememej mennin letok eo eļap kar letok.

Pija
baby Jesus, Mary and Joseph

Tipdikin jān For Unto Us a Child is Born, jān Lynne Millman Weidinger

Ekkā an Kūrijm̧ōj eļap wōt an bōk ad n̄e ej itok n̄an aļete ko. Bōtaab n̄e en kar jab iien eo etto ke jej kememe kajjojo Ijtō, eban kar waļo̧k Kūrijm̧ōj.

Būreejtōn Gordon B. Hinckley (1910-2008) kar katakin, “Eban kar lōn̄ Kūrijm̧ōj n̄e en kar ejjeļo̧k Ijtō. Nin̄nin̄ Jisōs in Bethlehem eo en kar bar juon nin̄nin̄ ijello̧kin Kraist pinmuur in Gethsemane im Calvary, im m̧ool eo kōn anjo̧ eo an Jerkakpeje eo.”1

Erkein jejjo imminene ko komaron̄ ļōmņak in kobaki ilo kam̧m̧oolol ko am̧ aolep iiō.

1. Etal im Al ilo iien Ijtō

Pija
kids singing

Joļo̧k m̧ōttan ko kōn reindeer im elves, Al in Kūrijm̧ōj rej aolep kōn Jisōs Kraist. Ijtō ej iien eo ejejjōt n̄an al kōn Rilo̧mo̧o̧r eo, im aaet, emaron̄ bar n̄e kwoj al ilo m̧aan kōjem ko an ro rūturūm̧.

Eļan̄n̄e ejjeļo̧k am̧ ļōmņak, lale “topics” ijākjen eo an bok in al eo ium̧win “Easter” im “Atonement” kōn al ko. Jabdewōt al me ej kam̧m̧oolol kōn Jisōs Kraist emaron̄ bar jejjet n̄an al ilo Ijtō.

2. Jeorļo̧k an Juon Bōd

Pija
girls hugging

Ewi ikutkut in am̧ kam̧m̧oolol kōn menin letok eo an ukweļo̧k? Ijtō ej letok iien n̄an likūt eļapļo̧k kōlmenļo̧kjeņ ilo wāween ad kōļapļo̧k ejja jetōb in jeorļo̧k bōd eo n̄an ro jet.

Jisōs eaar katakin: “Kōn menin, Ij ba n̄an kom̧, bwe kom̧ij aikuj jeorļo̧k an doon bōd. …

“N̄a, Irooj, Inaaj jeorļo̧k bōd an ro Inaaj jeorļo̧k aer bōd, ak jān kom̧ emennin aikuj bwe kom̧in jeorļo̧k an aolep armej bōd” (Katak im Bujen ko 64:9-10).

Kajjitōk ippam̧ make: Wōn eo kwoj kakkwōņ en̄jake nana ko ņae? Jar kōn kajoor n̄an jeorļo̧k an armej in bōd, im kōtļo̧k bwe Rilo̧mo̧o̧r eo en jipan̄ joļo̧k en̄jake kein rekōmettak.

3. Kōm̧m̧ane juon Tieta, M̧akūtkūt, ak M̧akūtkūt ko Jet

Pija
boy dressed up

Komaron̄ karōk juon ikkure in Ijtō Juon waanjon̄ak epidodo emaron̄ kōn riiti jeje ko rekwojarjar n̄an juon nokon in jota an baam̧le ak juon iien al ippān doon an jukjuk in pād eo.

4. Lo̧ļo̧k Lōb ko an Ro Rejitōnboro

Pija
family visiting graves

Kōnke kōn Jisōs Kraist, emōj an jako kajoor eo an mej (lale 1 Korint 15:55). Joļo̧k iien lo̧ļo̧k lōb ko an ro rejitōnboro n̄an kejekļo̧kjeņ kōn ennaan in em̧m̧an.

Em̧ool komaron̄ kōļap ainikin am̧ riiti jet iaan eoon ko rem̧m̧an me rej kōnono kōn Jerkakpeje ilo am̧ loļo̧k lōb kein. Jejjo (iaan elōn̄) eoon ko n̄an ļōm̧ņak kake kōn menin rej 1 Korint 15:20-22; Alma 11:42-4; im Katak im Bujen ko 88:14-16.

5. Kwon Em̧m̧anļo̧k Jidik

Pija
Christ visiting the Americas

Tipdikin jān Jesus Christ Visits the Americas, jān John Scott

Ijtō ej kautiej iien ko ilo Gethsemane, ta eo eaar waļo̧k ioon drebwāāl eo, an Rilo̧mo̧o̧r eo kar jerkak jān mej ilo raan eo kein kajlu, innām jerbal in karejar eo An ium̧win 40 raan ko m̧okta jān an weaak lōn̄ļo̧k n̄an lan̄.

Ilo kakkobaba, ejjab to ālkin an kar weaak lōn̄ļo̧k n̄an lan̄, Jisōs Kraist eaar loļo̧k Rinipai ro im jerbal in karejar n̄an er (lale 3 Nipai 11-28). Elukkuun ļap kam̧m̧oolol kake!

Etke koban kaitokļo̧k tōre in iien Ijtō eo am̧? Kōtļo̧k bwe en aitokļo̧k am̧ laudin̄din̄ kon kabwilōn̄lōn̄ ko an Ijtō. Kōm̧m̧ane juon kijejeto eo ealikkar n̄an eromļo̧k āinwōt Kraist ilo raan ko 40 ālkin Ijtō. N̄an im̧we, ļōmņak kōn kūr in jān Būreejtōn Russell M. Nelson: “Kōjenolo̧k jidik iien ilo aolep wiik n̄an ekkatak aolep men Jisōs eaar ba im kōm̧m̧an āinwōt kar je ilo Kallim̧ur M̧okta, bwe E ej Jeova an Kallim̧ur M̧okta. Ekkatak kien ko An āinwōt kar je ilo Kallim̧ur Ekāāl, bwe E ej Kraist eo an Kallim̧ur Ekāāl. Ekkatak katak ko An āinwōr kar je ilo Bok in Mormon eo, bwe ejeļo̧k bok in jeje ko rekwojarjar eo ej alikkarļo̧k an kwaļo̧k kōn mijen eo An im jerbal in karejar eo An. Im ekkatak naan ko An āinwōt kar je ilo Katak im Bujen ko, bwe E ej wōnm̧aanļo̧k wōt n̄an katakin armej ro An ilo tōre in iien bōk eddo in.”2

M̧anit ko Am̧ Rej Kōttar

Elder Dieter F. Uchtdorf jān Doulul eo an Jon̄oulruo Rijilōk ro eaar katakin, “N̄an pukōt raan eo eļap im aorōk tata ilo bwebwenato, jej aikuj reilikļo̧k n̄an joteen eo tarin in 2,000 iiō ko remootļo̧k ilo Jikin Kallib Gethsemane ke Jisōs Kraist ekar bukwelōlō im jar im Ekar make katok kōn E āinwōt wōnāān jerawiwi ko ad.”3

Iien ko raorōk tata ilo bwebwenato rej wōr tokjāer n̄an bōk iien n̄an kejekļo̧kjeņ kajjojo iiō. M̧anit ko rej jipan̄ kōj kōm̧m̧ane menin, jekdo̧o̧n n̄e men ko jān laajrak in ak jabdewōt men kwoj kāālet am̧ make.

Ta eo kwonaaj kobaiktok ilo iiō in?

Kakeememej ko

  1. Gordon B. Hinckley, “The Wondrous and True Story of Christmas,” Ensign, Dec. 2000, 5.

  2. Russell M. Nelson, “Prophets, Leadership, and Divine Law” (worldwide devotional for young adults, Jan. 8, 2017), broadcasts.lds.org.

  3. Dieter F. Uchtdorf, “Lo Armej eo!” Liaona, Māe 2018, 108.