Āinwōt juon jiron̄, ij aikuj kōļapļo̧k aō kalimjōk jeļāļo̧kjeņ im jerbal ak erom lio pālele im juon mama?
Jejeļā bwe “baam̧le eo ej ioļapļap in karōk eo an Rikōm̧anm̧an eo” im bwe “ro jinen rej eddoik eddokļo̧k eo an ro nejier.”1 Im jebar jeļā bwe, kōn elōn̄ un ko rem̧m̧an, em̧m̧aan im kōrā jim̧or kar kapilok er jān rikanaan ro n̄an kappukot jeļāļo̧kjeņ.2 Ilo kakkobaba, jejeļā bwe elōn̄ kōrā renaaj aikuj ak kōņaan kappukōt jerbal ko.
Būreejtōn Dallin H. Oaks, Rikakipilōklōk eo Kein Kajuon ilo Būreejtōnji eo Kein Kajuon, kar ba bwe kōn kōrā ro, kāālet eo ejjab ikōtaan baam̧le ak jeļāļo̧kjen im jerbal. “Iien ej ta eo jej aikuj kāālete,” eaar ba. “Im jej kappukōt im̧we eo an Irooj im katak ko an ro Rikarejeran ilo ad kōm̧m̧ane menin.”3
Karōk n̄an bōk jeļāļo̧kjeņ, im karōk n̄an ejaake juon baam̧le. Komaron̄ barāinwōt karok n̄an bōk jerbal. Ilo aolepān men kein, jibadbad eo am̧ ej aikuj n̄an ļoor karōk eo an Jemedwōj Ilan̄ im kappukōt Ankilaan.