En̄jake Kāāl
Rijeje eo ej jokwe ilo Texas, USA.
Estonia
“Ewō juon aō menin leļo̧k ettūņo!” Ema (M̧am̧a) eaar ba ke ej bōk Rasmus jān jikuuļ. Raar etetal ippān doon ilo iaļko raidik kōn m̧ōko rekōļarļar.
“Rosolje n̄an kōjota?” Rasmus eaar kajidede kōjatdikdik. Ej kab m̧ōj aer kar m̧ōn̄ā menin kar wiik eo ej jem̧ļo̧kļo̧k n̄an raan in ļotak eo an kein kajiljilimjuon. Ak emaron̄ ļapļo̧k an m̧ōn̄ā beet-im-piteto jaļōt ippan pikol aolep iien.
Ema eaar kajepoluuli bōran kōn juon ettōn̄ dikdik. “Iaar ioon ruo jiron̄ ro ilo baj eo kiiō jibbon̄. Mijenede ro. Rej itok n̄an lotok joteen in n̄an kōnaan kōn kabun̄ eo aer.”
Rasmus eaar ejjed lōn̄ļo̧k im lukkun konaan jeļā ta eo. Ejan̄in kar ioon mijinede ro m̧okta.
Eaar ikkure kōn tūrak eo āāņ ilo ruum̧ eo an ke mijinede ro raar itok. “Tere! Tere! Iakwe!” raar iakiakwe Ema ke rej delo̧n̄ļok nan lowaan abatmen eo. Raar utūk juuj ko aer reddo im lukūt ilo jikin juuj ko Ema eaar kopooje n̄an rilotok ro. Ema eaar tōlļo̧k er n̄an kauj wōran eo. Ak Rasmus eaar pād wōt ilo kōjem eo.
Lio eaitok eaar kile im ettōn̄ n̄ane. Pāāj kilmej eo an ej eaar ba Õde Craig (Sister Craig). “Jinōm̧ eaar ba n̄an kōm̧ ke ej kab mootļo̧k raan in ļotak eo am̧,” eaar ba. “Kōm̧ kar boktok juon men n̄an kwe.” Eaar jibwe tok juon kaat edik. Rasmus eaar lukkuun kalimjōke.
Eaar pija in juon em̧m̧aan. Eaar kōņak juon liboooro mouj, im pein eaar eļļo̧k.
“Kwojeļā ke wōn in?” Õde Craig eaar kajjitōk.
Rasmus eaar jab jeļā wōn em̧m̧aan eo. Ejan̄in kar loe pija in m̧oktaļo̧k. Bōtaab em̧m̧aan in eaar āinwōt ejouj im kajoor. “Ij ļōmņak ej juon kiin̄!” Rasmus eaar ba.
Mijenede ro jim̧o̧r raar ettōn̄. “Aaet, E ej! E ej Kiin̄ in kiin̄ ran! Etan ej Jisōs Kraist.” Õde Craig eaar kwaļo̧ktok juon bok ebūļu kilin. “Im bok en̄in ej juon bok me ej katakin kōn E, Mormoni Raamat. Bok in Mormon.”
E im Ema raar jino riiti Bok in Mormon eo aolep raan m̧okta jān an etal n̄an jikuuļ. Ilo iien jikuuļ, Rasmus ej etetal im jenij nan nuknuk in kiki bwe en kiki jidik ilo alkin raelep. Ālkin jikuuļ, e im Ema rej ikutkut aer ioon mijinede ro. Raar kōnono ippān mijinede ro kōn ta eo raar riiti ilo Bok in Mormon. Jet iien Ema eaar najdik aolep kringel, bilawe jinam̧ōņ pirōkrōk. Ilo wiikān ko e im Ema raar bajekōļ ak biknik ioon kappe. Jet iien raar etetal aitok ilo bukun wōjke ko ak tōrerein reba eo em̧m̧an tata ippāer.
Ilo juon iaan etetal kein ilo bukun wōjke ko, Ema eaar ba n̄an e ke ekōnaan peptaij. Rasmus eaar meidikdik. Mijinede ro raar kajjitōk ippān Ema en jar eļan̄n̄e ej peptaij ak jaab. Eaar ainwot n̄eaar em̧ōj an bōk uwaan eo an!
“Im ijeļā ia inaaj peptaij ie,” lio eaar ba n̄an e ilo an ettōn̄. “Komaron̄ ke kajidede?”
Rasmus eaar ļōmņak kōn katak ko an mijinede ro kōn peptaij. Raar kwaļo̧k juon pija ej kwaļo̧k Jisōs ippān Jon Ripeptaij ilo juon reba. …
“Reba eo!” eaar ba. “Reba en em̧m̧an tata arro.”
Juon wiik tok ālik, Rasmus ej jutak ilo tōrerein reba eo ippān mijinede ro im bar jet armej jān kabun̄ eo. Ema eaar pojak n̄an peptaij. Eaar tulo̧k aolepān ilo dān eo, āinwōt an kar Jisōs kōm̧m̧ane. Ke eaar walōn̄tak, ej ettōn̄ dikdik. Rasmus eaar kōņaan keememej iien eo n̄an indeeo—dān eo ebūļu, wūt awia mouj ko ilo ujooj maroro, im an jinen ettōn̄ dikdik.
“Āinwōt kar ta en̄jake eo ilo iien peptaij?” eaar kajjitōk tok ālik, ke aolep raar m̧ōn̄ā kukiij ko mijinede ro raar būktok.
“Aiboojoj,” lio ekar ba n̄an e. “Iaar kōņaan pād wōt ilo reba eo n̄an indeeo. Iaar en̄jake an kanooj kāāl mour eo aō!” Eaar atbokwoje.
“N̄an iien kemem eo tok juon aō, ikoņaan peptaij, āinwōt kwe im Jisōs,” eaar ba n̄an lio. “Ikōņaan bar en̄jake an kāāl mour eo aō!”