Kajjitōk ko im Uwaak ko
“Ekōjkan an kōjeraam̧m̧an eo an petriak eo aō jipan̄ eō kōm̧m̧ani jokālet ko?”
Liaona eo Ad Make
Kōjeraam̧m̧an ko an Petriak rej juon wāween me Jemedwōj Ilan̄ ej jipan̄ kōj jeļā kōn mour eo ad m̧okta, mour in, im kadkad eo indeeo. Ilo ad jeļā men m̧ool kein jilu raorōk kōn kōj make, ej jipan̄ kōj ļoor karōk eo an Anij n̄an kōj. Jej jeļā wōn kōj, etke jej pād ijin, im ia eo jemaron̄ pād ie. Āinwōt an Liaona eo kar jerbal ekkar n̄an tōmak im kijejeto eo an Nipai im baam̧le eo an ilo aer ļoor kapilōk ko an (lale 1 Nipai 16:28), jej bar maron̄ tiljek im kijejeto ilo ļoor Liaona eo ad make im naan in kapilōk ko an, eo enaaj tōl kōj n̄an ta kōjatdikdik eo ekwojarjar ar.
Elder Utai, 20 an iiō, Argentina Salta Mission
Juon Kōļmenļo̧kjeņ Indeeo
Jabdewōt iien ij en̄jake ejjeļo̧k meļeļe ilo kōm̧m̧ani jokāālet ko, ij oktakļo̧k n̄an kōjeraam̧m̧an an petriak eo aō im kejōkļo̧kjeņ kōn kwojarjar an revelesōn eo. Innām jokālet eo ej pidodoļo̧k. Ejjab jipan̄ eō wōt niknik ilo mour in ioon laļ in im bōk leen kōjeraam̧m̧an ko kar kallim̧ur kaki, bōtaab ej bar kakeememj eō n̄an kepooj eō make n̄an delo̧n̄ ilo wāņōk ilo aleōn̄ in kiin̄ eo an Irooj juon raan. Ej wōnm̧aanļo̧k wōt in jipan̄ eō eddōkļo̧k ilo tōmak, lōke ankilaan Irooj, im mour kōn juon kōļmenļo̧kjeņ indeeo.
Abegail F., 18 an iiō, Cagayan Valley, Philippines
Kapilōk jān Lan̄
Kōjeraam̧m̧an eo an petriak eo aō ej letok n̄an eō kapilōk jān Jemedwōj Ilan̄. Eļan̄n̄e ij ļoor kapilōk in, ijeļā inaaj bōk revelesōn kōn jokāālet ko ij aikuj in kōm̧m̧ani. Ej uwaaki jet iaan kajjitōk ko aō m̧okta jān aō kajjitōk kake.
Cami H., 16 an iiō, Utah, USA
Ron̄jake Jetōb eo
Eļan̄n̄e kwoj kappukōt kaenōm̧m̧an eo im tōl eo ak n̄an juon uwaak n̄an juon kajjitōk emenin aikuj, komaron̄ m̧ool in jar kake im riiti kōjeraam̧m̧an eo an petriak eo am̧ kōn kōttōbar em̧ool an būruwōm̧, ilo ron̄jake Jetōb eo. Etale jeje ko rekwojarjar ebar jipan̄. N̄aij tōmak bwe eļan̄n̄e kwonaaj kōm̧m̧ane menin kōn tōmak em̧ool, Irooj enaaj uwaake eok, ilo iien eo An make, ilo wāween eo em̧m̧an tata.
Kezia B., 15 an iiō, Hawaii, USA
Kōjeraam̧m̧an ko kar Kallim̧ur kaki.
Kōjeraam̧m̧an ko an Petriak eo ej kwaļo̧k n̄an kōj ta eo Anij ekōnaan kōjeraam̧m̧an kōj kaki. Ej letok n̄an kōj kakkōl ko im ej kōmeļeļeik wāween ad eromļo̧k āinwōt E. N̄e jej jeļā ta eo Jemedwōj Ilan̄ eaar kōpooje n̄an kōj im ewi wāween ad bōke, jenaaj kāālet im kōm̧m̧ane ekkar n̄an bōke.
Hunter H., 18 an iiō, Utah, USA