Reykjavík, Iceland

Pija

reykjavik

Kōn an libobo kōn jiņo Mount Esja itulik, Reykjavík, capital eo an iceland me eaibojooj, ej letok karuwainene eo n̄an juon āne aitokļo̧k jān 1,000 m̧aeļ (1,609 km) jān ijo eļap ilo Europe. Kar jokwe ie m̧oktata jān Viking ro ilo 874 AD, Reykjavík ej ioļapān m̧anit, wāween mour, im m̧akutkut ko an kien, barāinwōt juon eo erreo tata, emaroro tata, im bukwon eo ejokne tata ilo laļ in.

Riiceland ro ruo jinointata rekar peptaij ilo Denmark, ilo 1851. Ejjab to rekar bar rool n̄an Iceland, im ilo 1853 eo branch eo jinointata ekar ejaak. Rainin epaakelo̧k 300 membōr ro ilo Iceland ilo jilu branch ko, ilo Reykjavik, Akureyri, im Sellfoss. Tampeļ eo epaaktata ej pād ilo London, England, 1,177 m̧aeļ ko (1,894 km) jān Reykjavík.

Men̄e edik oran membōr ro, Kabun̄ eo ej wōnm̧aanļo̧k wōt ilo an eddōkļo̧k. Kōjekdo̧o̧n apan̄ ko kōn an ettoļo̧k, ukook an kein katakin ko an Kabun̄ in, ļan̄ ko renana, im apan̄ in m̧aņit, em̧ōj an ritōl ro an Kabun̄ in kallim̧ur ke juon raan Iceland enaaj juon meram n̄an lal ko jet. Būreejtōn Gordon B. Hinckley (1910–2008) ekar loļo̧k Iceland im kakeememej membōr ro bwe rej “armej in ‘kōkajoor im kajoor im maron̄’ n̄an kōm̧m̧an men ko reļļap” (“Wonderful to Have Sweet, Good Land,” Church News, Sept. 21, 2002, 10).

Mijen eo an Iceland ekar ejaak ilo 1894 eo, bōtaab kwaļo̧k naan ekar bōjrak ilo 1914 eo. Iceland ekar erom m̧ōttan Mijen eo an Denmark Copenhagen ilo 1975 eo.
Ilo 1977 eo, Elder Joseph B. Wirthlin (1917–2008), ekar juon uwaan Doulul eo Kein Kajuon an Jiljilimjuonn̄oul eo, ekar aje Iceland n̄an kwaļo̧k kōn gospel eo.
Ilo 1981 eo Bok in Mormon eo kar jeje ilo kajin Iceland, juon kajin rejjab kōjerbale jabdewōt jikin ilo laļ in.