Faasoaina Atu o Meaalofa

Mai se faatalanoaga ma Marissa Widdison, Mekasini o le Ekalesia

Talofa! O lou igoa o Alice, ma ou te taumafai e FAASUSULU ATU LOU MALAMALAMA e ala i le FAAALIA O LE LOTO FAAFETAI!

1. Taina o Viiga

Ou te nofo i Pasila faatasi ma ou matua ma se uso ma se tuagane. O lou uso o Julia ma ou te taina le piano mo le sauniga faamanatuga i la matou uarota.

2. O se Meaalofa e Lei Faamoemoeina

I se tasi aso Sa, na tuuina mai ai e se tamaloa e igoa ia Brother Stahlke ia i maua se meaalofa. Na ia fai mai o se meaalofa e faafetaia ai i maua mo le musika na ma taina i aso Sa. Ina ua ma tatalaina le pusa, na ma maua ai se ituaiga faapitoa o le fuluti [flute] i totonu! Na ou tuufaatasia le fuluti [flute] ma amata ona feulaina. Na ou fiafia i le leo.

3. Toe Tuuina Atu

Na vave lava ona ou iliina viiga i le fuluti [flute]. Na ou manao e fai se mea e faafetai atu ai ia Brother Stahlke mo le meaalofa. O lea na ou faataitaia ai le viiga “Ma’eu le Poto ma le Alofa,” (Viiga,nu. 109). Na ou fai atu i lou tama e ave au i le fale o Brother Stahlke ina ia mafai ona ou faaali atu ia te ia e faapea o lana meaalofa na fesoasoani ia te au e maua ai se taleni fou.

4. O Se Miti Faapitoa

Ina ua ou iliina mo Brother Stahlke, na fiafia tele o ia ma faagaeetia. Na ia tau mai ia te au e faapea na ia faia se miti e uiga i lenei viiga i le po talu ai! Na ou lagonaina le alofa o le Atua mo ia e faapea foi ma au.

Lagona Fiafia

Pe a tatou faaalia le loto faafetai, e faamanuiaina i tatou e le Alii i lagona fiafia mai le Agaga Paia.