Tala o Tusitusiga Paia
Atamu ma Eva
Na foafoaina e le Tama Faalelagi ma Iesu Keriso le lalolagi. Na La faia le laueleele, sami, la, ma fetu. Na La faia laau ma manu. Ona saunia lea o le lalolagi mo fanau a le Tama Faalelagi. O ai o le a Ia auina atu e nofo muamua i le lalolagi?
Atamu ma Eva!
Na tuuina i laua e le Tama Faalelagi i le Faatoaga o Etena. Sa ola uma meaai na la manaomia i le faatoaga. Sa le manaomia ona la galulue. Sa le mama’i i laua.
Na tau atu e le Tama Faalelagi ia Atamu ma Eva e faapea afai la te aai i ni fua o se tasi o laau, o le a tatau loa ona la tuua Etena. Na faaosoosoina e Satani Eva e ai le fua, ma na ia aia. Na ai foi Atamu.
O le la filifiliga e tuua Etena sa o se vaega o le fuafuaga a le Tama Faalelagi.Ina ua la tuua Etena, na aoao Atamu ma Eva e tatalo, salamo, ma maua le faatuatua ia Iesu. Na avea i laua ma matua ma aoaoina a la fanau i le talalelei. Sa sili ona faigata le olaga i fafo atu o Etena, ae sa la aoaoina ni mea fou taua. Sa fiafia i laua.
E pei lava au o Atamu ma Eva. Na ou filifili e sau i le lalolagi ina ia mafai ai ona ou aoao, tuputupu ae, ma avea atili e faapei o ou matua Faalelagi.