Taumafai Pea!
Saunia e Elder Peter F. Meurs
O Le Fitugafulu
“Afai latou te faalotomaualaloina i latou lava i ou luma, ma faatuatua mai ia te au, ona Ou faia lea o mea vaivai ia avea ma mea malolosi ia te i latou” (Eteru 12:27).
Sa auai ou matua i le Ekalesia ao ou laitiiti Sa matou i ai i se tamai paranesi i Ausetalia. Na ta e lou tina le piano i le lotu. Ae na mafai ona ia taina na o ni nai viiga. Na ou aoao foi e ta le piano. Ina ua fitu ou tausaga, na fai mai le peresitene o le paranesi ia te au e ta le piano i le lotu.
Pe a ou taina le piano, na ou faia ni measese. Ae a ou faia se measese, e masani ona ou tagi. Sa ou fefe lava ma popole. Ae sa ou faaauau pea ona aoao. Na ou manao e ta ia lelei ia viiga. O le taimi lenei ua ou fiafia lava e ta le piano! Ua mafai ona ou taina uma lava viiga. I lau misiona i Niu Sila, na ou auauna atu i se isi tamai paranesi. Na leai se isi e taina le piano. O lea na ou taina ai le piano mo le tausaga atoa. O le galue ai ia faatea ese lou fefe o se faamanuiaga mo au. Na faatagaina au e faamanuia ai isi.
Sa ou tauivi foi i le tautala ao ou tamaitiiti. Sa tautoai lau tautala. Sa faigata ona faasoa atu lau molimau i luma o tagata uma. O nisi taimi pe a ou taumafai e tautala, e na ona maligi lava o ou loimata. Na fesoasoani ia te a’u faamanuiaga o le perisitua. Sa matuai lagolagosua mai lou tina ma tama. Na iu lava ina faamanuiaina au ina ua sili atu ona manino ma lelei lau tautala.
O loo ou popole pea. O le savali atu i luma i le pulelaa e lauga i le konafesi aoao na taufaafefe! Ae na i ai se agaga na maoae naua iina. Na ou lagonaina le siitia ma le mafanafana. Sa ofoofogia lava.
Afai e te matamuli ma faigata ona tautala, taumafai pea. E tusa lava pe o loo e tauivi pea, matou te fia faalogo po o le a sau tala e fai mai. E mafai ona e faamanuiaina le tele o tagata i mea ua na o oe lava e mafai ona tau maia!