រឿងអំពីព្រះយេស៊ូវ
ព្រះយេស៊ូវបានប្រទានអាហារដល់មនុស្សជាច្រើន
ដកស្រង់មកពី ម៉ាថាយ ១៤:១៣–២១
ថ្ងៃមួយព្រះយេស៊ូវមានព្រះទ័យចង់នៅតែអង្គឯង ។ ទ្រង់បានឡើងជិះទូក ហើយបានបើកក្តោងទូកយាងទៅកន្លែងស្ងប់ស្ងាត់មួយ ។ មិនយូរប៉ុន្មានក្រោយមក មានមនុស្សជាច្រើនបានតាមទ្រង់ទៅទីនោះដែរ ។
ព្រះយេស៊ូវបានបង្រៀនពួកគេ ហើយបានព្យាបាលពួកអ្នកឈឺ ។ នាល្ងាចនោះ មនុស្សទាំងនោះបានចាប់ផ្តើមឃ្លានអាហារ ។ ពួកសិស្សរបស់ព្រះយេស៊ូវចង់ឲ្យទ្រង់ប្រាប់មនុស្សទាំងនោះឲ្យទៅទិញអាហារនៅក្នុងទីក្រុង ។
ព្រះយេស៊ូវបានមានបន្ទូលប្រាប់ទៅពួកសិស្សរបស់ទ្រង់ថាឲ្យផ្តល់អាហារដល់ពួកគេ ដើម្បីកុំឲ្យពួកគេចាកចេញទៅ ។ ប៉ុន្តែពួកសិស្សមានតែនំប៉័ងប្រាំដុំ និង ត្រីពីរប៉ុណ្ណោះ ។ វាពុំគ្រប់គ្រាន់ដើម្បីចម្អែតមនុស្សគ្រប់គ្នាបានឡើយ ។
ព្រះយេស៊ូវបានប្រទានពរដល់នំបុ័ង ហើយបេះវាជាចំណិតៗ ។ បន្ទាប់មកពួកសិស្សបានហុចនំបុ័ងនោះទៅឲ្យមនុស្សទាំងនោះ ។ តើនឹងមានអាហារគ្រប់គ្រាន់ដែរឬទេ ?
កូនក្មេង ស្ត្រី និងបុរសរាប់ពាន់នាក់បានបរិភោគនំបុ័ង និងត្រីនោះទាំងអស់គ្នា ។ បន្ទាប់ពីពួកគេបានបរិភោគហើយ នោះនៅសល់នំបុ័ង ១២ កន្ត្រក ! វាជាអព្ភូតហេតុមួយ ។ អព្ភូតហេតុនៅតែកើតមាននៅលើផែនដីសព្វថ្ងៃនេះ !