Ni Karokoa Ti A Manga Kaitiboaki
Mwaakan Mimitongin te Atua
Man te marooro n te tetere ni kabuta n te nakoanibonga e atuunaki “Tuan te Nakoanibonga,” Ensign, Meei 1982, 32–34; e kamanibuburaaki manin te koroboki.
Te onimaki bon te mwaaka ao te mwaaka bon te nakoanibonga.
Kawan Tion ae Oneaki, iroun Del Parson
Te Atua bon te Atua ibukina Ngaia atuun te onimaki ni kabane ao nakoanibonga ni kabane. Te maiu are E maiuakinna e aranaki bwa te maiu ae akea tokina.
Ao korakoran are ti na riki n ai arona bon korakoran are ti karekea Ana onimaki, e karekea mwaakana, ao ni kamwakura Ana nakoanibonga. Ao ngkana ti riki n ai arona n te namakin ae bwanin ao ni koaua, ngkanne ti na karekea naba te maiu ae akea tokina.
Te onimaki ao te nakoanibonga a uaia n ikarekebai. Te onimaki bon te mwaaka ao te mwaaka bon te nakoanibonga. Imwiin karekean ara onimaki, ti karekea te nakoanibonga. Ngkanne, rinanon te nakoanibonga, ti rikirake inanon te onimaki ni karokoa, ti karekei mwaaka ni kabane, ti riki n ai aron ara Uea.
Ara tai ikai n te maiu ae mamate e katabuaki bwa te tai n tarataraaki ao ni kataaki. Bon ara tai inanon menara ikai ni kakororaoa ara onimaki ao n rikirake ni mwaakan te nakoanibong. …
Te nakoanibonga ae tabu e raka riki tamaroana nakon kakororaoakiia mwaane n ana bong Enoka nakon taai riki tabeua. N ataakina ngkanne bwa ana rinan Enoka ngkoa (taraa D&C 76:57), bon te mwaaka are ngaia ma ana aomata a oneaki iai rabwataia. Ao a oneak rabwataia ibukina bwa iai aia onimaki ao ni kamwakura mwaakan te nakoanibonga.
Bon ngaia ma Enoka are te Uea e karaoa ana berita ae tabu ae akea tokina bwa ni kabane ake a karekea te nakoanibonga a na karekea te mwaaka, rinanon te onimaki, n tautaekana ao n tararuai bwaai ni kabane iaon te aba, n ongoeaba n ana tanganibuaka te botanaomata, ao n tei ni mimitong ao ni karietataaki imatan te Uea.
Merekitereka bon te mwaane ae onimaki, “and his people wrought righteousness, and obtained heaven, and sought for the city of Enoch” (Joseph Smith Translation, Karikani Bai 14:34). …
Tera, ngkanne, tuan te nakoanibonga? Ti na kanga ni maiu n aroia ana toro te Uea?
Te tua aei bwa te Atua bon iai rabwatana ae mmitong, e kororaoi, ao ae karietataaki are babane irouna te korakora, te mwaaka, ao te tautaeka ni kabane, are e atai bwaai ni kabane ao akea tiana n aron anuana, ao e maiu n iai ana utu.
Bwa Tamara ae akea Tokina e kukurei n nakoana ae rietaata ni mimitong ao ni kororaoi ao ni mwaaka ibukina e kororaoi Ana onimaki ao Ana nakoanibonga bon akea tiana.
Bon te nakoanibonga ae aran raoi mwaakan te Atua ao ngkana ti riki n ai Arona, ti riai ni karekea ao ni kamwakura te nakoanibonga ke te mwaaka ngkai E kamwakuria. …
E na iai iroura te mwaaka, man te onimaki, n tautaeka ao ni tararuai bwaai ni kabane, aika bwain te rabwata ao tamnei; ni mwakuri kakai ao maiu aika korororaoi n tei imatan te Atua ao n riki n Ai arona ibukina ti a tia ni karekea Ana onimaki, kororaoina, ao mwaakana, ke n taekana teuana bwaninin Ana nakoanibonga.
Aei, ngkanne, bon tuan te nakoanibonga, nakon ae a na akea riki ke ae e na kona ni korakora riki. Aio te mwaaka ae ti kona ni karekea rinanon te onimaki ao te raoiroi.
Ni koauana iai te mwaaka n te nakoanibonga—te mwaaka are ti ukoukoria ni karekea ni kamanena, te mwaaka are ti tataroakinna bwa e na mena iaora ao iaoia kanoara n aki toki.