ʻEletā Larry S. Kacher
Kōlomu Hono Ua ʻo e Kau Fitungofulú
Hili ha ngaahi ueʻi fakalaumālie ʻi heʻene kei hoko ko ha tokotaha lahi kei talavoú, ne kamata ke fakatokangaʻi ʻe ʻEletā Leli S. Kesa ha mālohi lahi ange hono tataki ia ʻi heʻene moʻuí. ʻI hono taʻu 19, ne taki ia ʻe heʻene ongoʻingofua e Laumālié ki he ongoongolelei ʻo Sīsū Kalaisí—ko ha liliu ia kuó ne fakahoko ha liliu moʻoni.
Naʻe fāʻeleʻi ia ʻi he ʻaho 12 ʻo Fēpueli, 1952, ko e fika ua ki he lahi taha ʻi ha fānau ʻe toko nima kia ʻAlipate mo ʻIleine Kāsia; naʻá ne tupu hake ʻi Pulumingitoni, Minesota, USA.
Hili e ako māʻolungá naʻá ne ʻalu ki ʻIulope ke sikī, pea hili ha māhina ʻe ono naʻá ne ongoʻi ʻoku fie maʻu ke foki ki ʻapi. ʻI heʻene foki ki ʻapí, naʻá ne ongoʻi ʻoku fie maʻu ke ne ʻalu ki ha feituʻu kehe ka naʻe ʻikai ke ne ʻiloʻi pe ko fē. Ne palani ha kaungāmeʻa mei heʻene kei siʻí ke hiki ki ʻIutā, pea naʻe pehē ʻe ʻEletā Kāsia ke hiki mo ia. Lolotongaʻene ʻi ʻIutaá, ne lesisita ʻa ʻEletā Kāsia ʻi he ʻUnivēsiti Pilikihami ʻIongí, ako ʻo kau ki he Siasí, peá ne papitaiso.
ʻOkú ne pehē, “ʻI hono akoʻi kimautolu ʻe he ongo faifekaú, ne u ongoʻi ʻoku moʻoni ia.” “ʻI heʻeku lotú, naʻá ku ongoʻi naʻe moʻoni ʻa e Siasí.”
Naʻá ne pehē leva ke ʻalu ʻo ngāue fakafaifekau pea naʻe ui ia ki he Misiona Tahiti Papeʻeté ʻi he 1973. Hili ʻene foki ki ʻapí, naʻá ne toe foki ki he akó ʻi BYU, naʻá ne fetaulaki ai mo Pauline Mila. Naʻá na mali ʻi he Temipale Manitai ʻIutaá ʻi he ʻaho 29 ʻo ʻOkatopa 1976, pea ko ha mātuʻa ki ha fānau ʻe toko ono pea ko ha kui ki ha makapuna ʻe toko 11.
Naʻe maʻu ʻe ʻEletā Kāsia ha mataʻitohi BA i he saikolosiá mo ha mataʻitohi MA ʻi he ʻulungāngá—fakatouʻosi mei BYU. Naʻe kau ʻi heʻene ngāue maʻuʻanga moʻuí haʻane fai faleʻi ki ha ngaahi kautaha lalahi fakafonua mo fakavahaʻapuleʻanga.
Kimuʻa pea hikinimaʻi ʻa ʻEletā Kāsia ʻi he ʻaho 5 ʻo ʻEpeleli 2014, ko ha mēmipa ʻo e Kōlomu hono Ua ʻo e Kau Fitungofulú, naʻá ne hoko ko ha palesiteni fakakolo, palesiteni e kōlomu ʻo e kaumātuʻá, pīsope, mo ha tokoni ki he palesiteni fakasiteikí. Naʻá ne tokangaʻi e Misiona Suisalani Sinivá mei he 2000 ki he 2003. Hili ha ngaahi taʻu siʻi ʻene foki mei Suisalaní, ne ʻalu ʻo ngāue ʻi ʻApu Tapi, Fonua Fakatahataha ʻo e Ngaahi Fonua ʻo ʻAlepeá, pea ui ai ia ke hoko ko e fuofua Fitungofulu Fakaʻēlia ʻi he Hahake Lotolotó.