Lava ke Maʻu e Ako Fakatakimuʻa Fakahoualotú ʻi he LDS.org

Ke tokoni lelei ange ki hono feau e fie maʻu ʻa ha Siasi tupu tokolahi, ʻe fakahoko fakataʻu ai ha ako fakaemāmani lahi ʻe he kau palesitenisī lahi ʻo e Fineʻofá, Palaimelí, Kau Finemuí, Kau Talavoú mo e Lautohi Faka-Sāpaté ʻi he ʻInitanetí. ʻOku ʻamanaki ʻe lava ke maʻu e akó ni ʻi he LDS.org ʻi he kongaloto ʻo e taʻu kotoa pē ʻi ha ngaahi lea fakafonua lahi.

Kuo ʻikai toe fakahoko e fakataha ako fakatakimuʻa fakahoualotu ne fai ʻi Sōleki Siti fakataha mo e konifelenisi lahi ʻo ʻEpelelí. ʻE hokohoko atu ʻa hono fakahoko ʻe he kau palesitenisī lahi ʻo e ngaahi houalotú mo ʻenau poaté ha ako ʻi he ngaahi fakataha fakavahaʻa siteikí ʻo hangē ko ia kuo vahe atú.