Ngaahi Fakakaukau Maʻá e Efiafi Fakafāmili ʻi ʻApí

ʻOku ʻi he makasini ko ʻení ha ngaahi fakamatala mo e ʻekitivitī ʻe lava ke fakaʻaongaʻi ʻi he efiafi fakafāmili ʻi ʻapí. ʻOku ʻoatu heni ha fakakaukau ʻe ua.

“Noa,” peesi 10: Fakakaukau ke talanoaʻi e talanoa ʻo Noá ʻo ngāue ʻaki e tamapuá. ʻI ha loki fakapoʻuli, huluʻi ha maama (hangē ko ha kasa) ʻi he holisí. Te ke lava mo ho fāmilí ʻo fakaʻaongaʻi homou umá mo e nimá ke ʻai ha ngaahi ʻata ʻi he holisí ke fakatātaaʻi ʻaki e vaká, fanga monumanú, ʻuhá, lupé, mo e ʻumatá. Fakakaukau ke fakaʻosi e ʻekitivitií ʻaki hano aleaʻi e ngaahi founga te tau lava ʻo muimui ai ki hotau kau palōfita moʻui he ʻaho ní pea hivaʻi e “Muimui he Palōfitá” (Tohi Hiva ʻa e Fānaú, 58) pe ko ha foʻi hiva ʻe taha kau ki he kau palōfitá.

“Fāmili Taʻengata Lelei Tahá,” peesi 68: Fakakaukau ke ʻai ha ʻekitivitī te ne fakamālohia e anga fakakaungāmeʻá ʻi he kau mēmipa ʻo e fāmilí. Mahalo te mou vali hangē ko ia naʻe fai ʻe ʻOlivia mo Seiní, pe ʻai ha toe foʻi ngāue ʻe taha. Hili iá, te mou lava ke aleaʻi e founga ke fehangahangai ai mo e ivi tākiekina ʻo e toʻu meʻá mo fakakaukau ki he ngaahi tāpuaki hono langa ha kaungāmeʻa mālohi ʻi ho fāmilí. Mahalo te mou talanoa ki he kakai he folofolá ne fakamālohia ʻi heʻenau kaungāmeʻa mo e kau mēmipa ʻo e fāmilí: hangē ko ʻení, Mele mo ʻElisapeti, Nīfai mo Samu, mo Siosefa mo Hailame Sāmita.

ʻI Hoʻo Lea Fakafonuá

ʻOku maʻu e Liahoná mo e ngaahi nāunau kehe ʻa e Siasí ʻi ha ngaahi lea fakafonua lahi ʻi he languages.lds.org.