Sa mauaina e faifeautalai ma aoaoina le tamā o lo’u tamamatua i Samoa. O le auai i le Ekalesia, na manaomia ai le lafoai e lo’u tamamatua o nisi o talitonuga faaleatunuu ma faiga faalelotu a ona tagata. E mitamita lo matou aiga i lo matou tupuaga Samoa, ae ona o le faataitaiga a lo’u tamamatua, ua matou aoao ai e faamuamua le talalelei.
A o avea au ma se alii talavou, sa talanoa mai lo’u tama ia te au e uiga i le tataina o pe’a o se mea e masani ai faapea foi ma nisi o meaai iloga e ono le talafeagai ma aoaoga a le Ekalesia. Fai mai lo’u tama, “Aua nei e faia soo se tasi o na mea. O oe o se atalii o le Atua a e e te lei avea ma se Samoa, a e e te lei avea ma se tama tino tele, ma malosi mai atumotu.” O se mea lena ou te manatua pea lava.
O loo ma nonofo nei ma lo’u toalua i Costa Rica. O loo i ai foi tu ma aga faaleaganuu iinei, e pei foi o isi nofoaga, e le ogatasi ma aoaoga a le Ekalesia. O nisi taimi e tatau ona tatou lotototoa e liliu ese mai nei faiga ae liliu atu i aoaoga o le talalelei a Iesu Keriso.
Morgan Sa Mataalii, Costa Rica
Agavale: ata o le Nofoaga Autu o le BYU i Ierusalema na pueina e D. Kelly Ogden; ata o le tootoo na pueina e John Luke; ata o le Taui o le Pafalo Siliva na pueina e Christina Smith