Faamatalaga
Lototoa ina Ia Malosi Atili
O aso uma ou te mafaufau ai i fautuaga ma faalaeiauga ou te maua i le Liahona. E fesoasoani ia i a’u filifiliga i aso uma, ma ua ou iloa ua sili atu ona ou tuuto e ola i le talalelei. E aumai e le mekasini ia te a’u le lototoa ia ou faamalosi atili ai.
Ramon Cristopher Hipolito Villaluna, Filipaina
Foia Ai Faafitauli Faigata
O savali i le Liahona e faatumau ai lo’u malosi. A manaomia lo’u faia o ni faaiuga e foliga mai e faigata, ou te toe faitauina ia savali ma ou maua tonu ai le fofo. Faamolemole e aua nei taofia le faaaofia ai o Savali a le Au Peresitene Sili ma Leo o le Au Paia o Aso e Gata Ai.
Evelyn Forson, Ghana
O Le Upumoni Lenei
O Le Liahona ua avea ma se taiala i lo’u olaga talu ona ou auai i le Ekalesia i le 15 tausaga ua mavae, ma ua ou maua ai ni musumusuga malolosi mai le Agaga a o ou faitau i ona itulau. O lo’u sulufaiga lea i taimi o faanoanoaga. A o ou faitau i tala e uiga i le Au Paia i le lalolagi atoa, ma saunoaga a Pulega Aoao, ou te lagona le mafanafana, toafilemu, ma se faamautinoaga o le mea moni lenei.
Felipe Urbina, Costa Rica