2011
O Meatotino e Manatua ai Peresitene o le Ekalesia
Iuni 2011

O Le Suega a Peresitene o le Ekalesia

Faafetaui mea taitasi nei i le Peresitene o le Ekalesia e fetaui i ai.

  1. Matatioata. Sa faaaoga e le Peresitene lenei o le Ekalesia pe a faimalaga e asiasi i nuu o le teritori o Iuta.

  2. Pulou. O lenei mea e iloagofie ai le perofeta lenei ua lauiloa i ona foliga vaaia ma amioga tauleleia.

  3. Pine o le Auaunaga Maoae. Na maua e lenei Peresitene o le Ekalesia lenei taui mo lana auaunaga o se Failautusi o Faatoaga i le kapeneta a le peresitene o le I.S. o Dwight D. Eisenhower.

  4. Faailoga o oloa o le uelefea. Na amatalia ma taitaiina e le Peresitene lenei le polokalama o le uelefea a le Ekalesia i le taimi o le Pau Tele o le Tamaoaiga.

  5. Nofoa tietie solofanua. E alofa le perofeta lenei i lana solofanua e igoa ia Sonny Boy.

  6. Api o Talaaga. Na matua faamaoni lenei perofeta i le teuina o talafaasolopito o le Ekalesia, ma o ana faamaumauga o nisi ia o talafaasolopito e sili ona taua o le Ekalesia.

  7. Ata o le Nofoaga Autu o le BYU i Ierusalema. Na faia e le Peresitene lenei o le Ekalesia ia feutagaiga ia maua se fanua i Ierusalema e fausia ai le nofoaga autu.

  8. Tamai masini faaleotele leo. Na faaaoga e le Peresitene lenei mea, sa faapipii i lana matatioata, ona sa aafia lona siufofoga ona o ni taotoga sa togafitia ai le kanesa.

  9. Tootoo. Na faaaoga e lenei Peresitene se tootoo i tausaga mulimuli o lona soifua, lea e talotalo faamama’i atu ai e faafeiloai i faalapotopotoga o tagata o le Au Paia o Aso e Gatai Ai.

  10. Lisiti o le sefuluai. Na faamamafaina e lenei Peresitene ia aoaoga a Iosefa Samita e uiga i le sefuluai.

  11. Talaau’ili i le Taualuga. E fiafia le Peresitene lenei i tala tusitusia ma sa ia ta’ua lenei tala faamama’i i le tele o taimi.

  12. Masini lomitusi. Sa avea lenei Peresitene ma se tasi o tusitala sili ona fatufatua’i a le Ekalesia.

  13. Pelu. Na avea lenei Peresitene o le Ekalesia o se taitaiau i le Autau a Navu.

  14. Ula fugalaau. Na malaga le perofeta lenei i Hawaii i le 15 o ona tausaga o se tasi o uluai faifeautalai a le Au Paia o Aso e Gata Ai iina.

  15. Uati taga. Na faaaoga e le perofeta lenei mea i le aso o le Tagatavaleina i le Falepuipui i Karefasi.

  16. Faailoga o le Pafalo Siliva a le Sikauti. Na avea lenei Peresitene ma se tasi na muai faalauiloaina le Sikauti i le Ekalesia.

  1. Iosefa Samita le Itiiti (1805–44)

  2. Polika Iaga (1801–77)

  3. Ioane Teila (1808–87)

  4. Uilifoti Uitilafi (1807–98)

  5. Lorenzo Snow (1814–1901)

  6. Iosefa F. Samita (1838–1918)

  7. Heber J. Grant (1856–1945)

  8. Siaosi Alapati Samita (1870–1951)

  9. Tavita O. MaKei (1873–1970)

  10. Iosefa Filitia Samita (1876–1972)

  11. Harold B. Lee (1899–1973)

  12. Spencer W. Kimball (1895–1985)

  13. Ezra Taft Benson (1899–1994)

  14. Howard W. Hunter (1907–95)

  15. Gordon B. Hinckley (1910–2008)

  16. Thomas S. Monson (1927–)