Ite Taaê
Nahea ta’u e nehenehe ia faaea paruruhia i te mau mea ino i roto i te ao nei ?
No roto mai i « Nahea i te Ora Maitai i roto i te Ino e Tupu ra i te Rahi », Liahona, Me 2004, 100-102.
Ua faaite mai o Elder Richard G. Scott no te Pŭpŭ no te Tino Ahuru ma Piti Aposetolo i te tahi mau mana‘o no ni‘a i teie tumu parau.
Noa’tu e au ra e mea fifi roa te oraraa i teie nei, a tape‘a maite i ni‘a i te auri no te parau mau. E haere outou i mua hau atu i te mea ta outou i ite.
E nehenehe ta outou e ora i te hoê oraraa porao ore, manuïa e te parau-ti‘a na roto i te peeraa i te faanahoraa paruru tei hamanihia e to outou Metua i te Ao ra: Ta’na faanahoraa no te oaoa.
A tamau noa’i outou i te haatumu i to outou mana‘o e to outou aau i ni‘a i te Fatu, e tauturu ïa Oia ia outou ia noaa te hoê oraraa ona e te maitai noa’tu eaha te mea e tupu ra i roto i te ao i piha‘iho ia outou.
Ua faaineine te Metua i te Ao ra i te mau papa‘iraa mo‘a e ua horo‘a mai i te arata’iraa tamau no te ra’i mai no te turu ia tatou. E haapapû mai taua tautururaa ra e e nehenehe ta outou e ora ma te hau e te oaoa i rotopu i te ino e rahi noa’tu ra.
A tutava i te haapa‘o maitai i te arata’iraa tata’itahi tei horo‘ahia ia outou na roto i te Varua Mo‘a.
Faahoho‘araa na Bryan Beach