Au a Yalataka vei Tamada Vakalomalagi

Hiroko Fukuda, Tochigi, Japani

Ni se qai yabaki tolu o Yukari, era dau gunu kofi vakasucu mai nona karonivuli ni muri vuli. Me vaka ni sa vakavulici mai vei tinana o Yukari baleta na Vosa ni Vuku, sa sega tu ga kina ni gunuva na kofi vakasucu. Dau vakatawana ga ena nona bilo na waidroka ka gunuva.

Dua na siga sa kaya o Yukari vei tinana, “Au sa via gunu kofi vakasucu me vakataki ira na vo ni gone.” Sa qai dabe vata kei koya o tinana ka vukei koya me kila ni lomani koya na Tamada Vakalomalagi, ka sega ni vinakati koya me gunu kofi, ni o ya e dua na ivakaro. Tekivu mai na siga o ya sa sega tale ni qai via gunu kofi o Yukari. Sivi yani e dua na yabaki.

Dua na siga e sega ni lako mai na qasenivuli nei Yukari, sa qai veisosomitaki e duatani tale. Me vaka ga e liu, gunu wai toka ga o Yukari. Raica o qasenivuli na ka oqori ka taroga sara, “Na cava o gunu wai tiko kina?” Vakamacalataka sara o Yukari ni o koya e dau lako i lotu ka sa yalataka oti vua na Tamada Vakalomalagi ni na sega ni gunuva na kofi. Tarai qasenivuli sara ga na ka o ya. Tekivu mai na gauna o ya, sa sega tale ni vakarau na kofi vakasucu ka sa vakarau eso tale na mataqali wainigunu.