Mai na Bula nei Parofita Josefa Simici

E Dua na Tamata Dauloloma

Lavetaki mai na Nodra iVakavuvuli na Peresitedi ni Lotu: Josefa Simici (lewe ni vuli ni Matabete i Melikiseteki kei na iSoqosoqo ni Veivukei, 2007), 391–93.

Erau a tara na Red Brick Store o Josefa kei Ema Simici ena gauna erau yaco kina ki Nauvoo mai Illinois. E a vukei Josefa ena sala ni bisinisi me vukea na nona matavuvale ka sa nona valenivolavola talega.

Au na volia e 20 na paodi bibi na falawa, Ema.

Dua tale beka na ka ko vinakata?

E se qai toki sara ga mai Igiladi ki Nauvoo o Jemesa kei ganena vata kei Anare, na watina. E sega ni lewe ni Lotu o Jemesa.

Anare, e datou sa vaqara cakacaka mai na siga taucoko. Au sega ni vakabauta ni datou na kunea e dua.

Me datou sa kere veivuke mada vua na Parofita.

Se bera vakadua ni sotavi Josefa Simici o Jemesa se me bau volekati koya mada ena dua na gauna. E vakila e dua na yalo ni veivakacegui ena gauna mada ga e vakaraici koya tu kina.

O koya e sa parofita dina sara ga ni Kalou sa Cecere Sara

Kemudrau na taciqu, e rawa beka niu vukei kemudrau?

Misita Simici e tiko beka vei iko e dua na cakacaka?

E rawa beka ni ko drau kelia e dua na ikeli?

Keirau na cakava na neirau vinaka taucoko.

Sa qai kauti rau vakatikitiki mai na sitoa o Josefa ka vakarautaka yani e dua na tepi.

E rawa ni ko drau kelia e dua na ikeli tolu na fiti na kena raba ka rua veimama na fiti na kena titobu me muria mai na laini oqo?

Ni sa keli oti, erau sa kacivi Josefa sara me mai raica.

Sa totoka dina nomudrau cakacaka. Drau lako sara mai.

Sa qai solia vei rau o Josefa e rua na kena tiki ni lewe ni manumanu vinaka duadua kei na rua na taga falawa.

Sa sivia tale oqo, Josefa.

Me keirau na cakava tale eso na cakacaka.

Kevaka drau sa marau, au sa na marau talega.

E a qai papitaiso o Jemesa ena mua ni yabaki o ya, ena vuku ni ka e a yaco oqori vakakina eso tale na ka e yaco, me vakaraitaka ni o Josefa e tamata vinaka ka sa tiko vua na kaukauwa mai vua na Kalou.

Droini mai vei Sal Velluto kei Eugenio Mattozzi