Tohi ki he ʻĒtitá
Fakalotolahi mo Faifakahinohino
ʻOku ʻikai ko ha mēmipa au ʻo homou siasí, ka ʻoku ou ongoʻi ʻoku fakalotolahi ʻa e Liahoná, ʻa ia naʻe ʻomai ʻe haku kaumeʻa ʻi he ngāué. ʻOku hoko foki ia ko ha faifakahinohino, tautautefito ki he fānaú mo e toʻu tupú. ʻOkú ne tokoniʻi foki au. ʻOku ou saiʻia he ngaahi fakamatala mei he kāingalotu ʻoku nau vahevahe mai ha ngaahi meʻa ne nau aʻusia ʻa ia naʻe tupulaki ai ʻenau tuí. ʻOku fakaʻofoʻofa makehe kiate au ʻa e ʻū tā valivalí. ʻOku mahino pea matamatalelei ʻaupito ʻa e anga hono taá. Tuku muʻa ke u fakahā atu malō ʻaupito e ngāue fakaʻofoʻofa.
Beatrice Karrer Ulrich, Siamane
Ko ha Koloa Fakalaumālie
ʻI heʻeku fuofua kau ki he Siasí, naʻe ʻikai ke u mahuʻingaʻia au ke totongi haʻaku Liahona. Pea naʻe ʻi ai ha vahaʻa taimi naʻá ku māmālohi ai. ʻI heʻeku fokotuʻu ha taumuʻa ke u toe foki ʻo mālohi ai ʻi he Siasí, ne u totongi ai haʻaku Liahona. Ko e taimi ia naʻá ku fakatokangaʻi ai e koloa fakalaumālie naʻe mole meiate aú. ʻOku ʻikai hoko e makasini ko ʻení ko ha fakamatala pē ia ʻoku ʻomi mei he Siasí, ka ko ha founga fetuʻutakiʻanga ia ʻa e kāingalotú, ʻa ia ʻoku lava ke nau fevahevaheʻaki ai ʻenau ngaahi fakamoʻoní, ngaahi meʻa ne nau aʻusiá, ngaahi pōpoakí pea mo e faleʻi ʻo hotau kuongá. ʻOku ʻi he makasiní ha ngaahi akonaki ke fakaʻaongaʻi fakaʻaho.
Cláudia Souza Alencar, Palāsila