Mei he Moʻui ʻa e Palōfita ko Siosefa Sāmitá

Fakamelino mo Hono Ngaahi Filí

Mei he Ngaahi Akonaki ʻa e Kau Palesiteni ʻo e Siasí: Siosefa Sāmita (Tohi Lēsoni ʻa e Lakanga Taulaʻeiki Faka-Melekisētekí mo e Fineʻofá, 2007), 393–401.

ʻI ha ʻaho ʻe taha naʻe ʻaʻahi ai ʻa e Palōfitá ki he ʻapi ʻo ʻene ongomātuʻá ʻi Hihifo Mamaʻo, feʻunga mo ha hū mai ʻa ha kau tangata sōtia kuo ʻosi fakamahafu ʻi he matapaá.

Ko hai ʻiate kimoutolu ʻoku ui ko Siō Sāmitá?

Ko ʻemau ō maí ke fakapoongi ia!

Naʻe manga atu ʻa Siosefa ki muʻa he taimi pē ko iá, malimali ange, pea lulululu mo kinautolu.

Ko Siosefa au. Fiefia ke feʻiloaki mo kimoutolu. Mou kātaki ʻo hū mai ʻo nofo hifo ki lalo.

ʻI he hoko atu e lea ʻa e Palōfitá, naʻe moʻusioa e kau tangatá he taʻetui ki he meʻa naʻe hokó.

ʻOku tui ʻa kimautolu kau Māmongá kia Sīsū Kalaisi pea ko e melinó pē ʻoku mau fie maʻú. Ka kuo lahi hono fakatangaʻi kimautolu he ngaahi māhina kuo hili atú talu pē ʻemau hiki ki Misulí. ʻI heʻeku ʻiló, kuo teʻeki ai maumauʻi e laó ʻe hamau tokotaha. Ka ʻo kapau kuo mau fai ia, ʻoku mau tuʻu mateuteu ke fakamāuʻi kimautolu ʻe he laó.

Fineʻeiki ʻoku ou tui te u foki ā ki ʻapi. ʻE fiu tali mai ʻa ʻEma kiate au.

He ʻikai te ke ʻalu toko taha, he ʻoku ʻikai malu.

Te mau ō mo koe ʻo maluʻi koe.

Mālō.

ʻOku mau palōmesi ke veteki e kau sōtia ʻoku mau tokangaʻí pea foki ki homau ʻapí.

Ka ke fie maʻu kimautolu, te mau foki mai ʻo fai ha meʻa pē te ke fie maʻu.

Naʻe talanoa e toenga ʻo e kau tangatá ʻi tuʻa he ʻapi ʻo e ongomātuʻa ʻa Siosefá, ʻo kau ki heʻenau feʻiloaki mo e Palōfitá.

Naʻá ke ongoʻi faikehe ʻi he taimi naʻá ne puke ai ho nimá? Kuo teʻeki ai ke u ongoʻi pehē au ʻi heʻeku moʻuí.

Naʻá ku ongoʻi ʻo hangē he ʻikai ke u toe lava ʻo ngaué. He ʻikai te u teitei fai ha kihiʻi meʻa ʻe taha ke fakalaveaʻi e tangatá na neongo ʻe fie maʻu ia ʻe māmani kotoa.

Ko hono fakaʻosi ʻeni haʻamou toe mamata ʻoku ou haʻu ke fakapoongi ʻa Siō Sāmita pe ko e kau Māmongá.

Ngaahi tā fakatātā ʻa Sal Velluto mo Eugenio Mattozzi