Ko e Siasí ʻi Hungali
Naʻe fakaului ʻa e tangata Hungali ko Misikā Makoú ʻi he 1887, ofi pē ki Konisitenitinoupolo (ʻIsitenipulu), ʻi Toake. Naʻá ne ngāue fakafaifekau ʻi hono fonua tupuʻá ʻi he 1899, ka naʻe fakahū pilīsone pea tuli ai mei Hungali ko ʻene malangá. Naʻá ne feinga ke malanga ʻaki e ongoongoleleí ʻi he ngaahi fonua kaungāʻapí, kae hili ha ngaahi faingataʻa lahi, naʻe malanga pē ʻa ʻEletā Makou mo hono hoá ʻi Temesivā ʻi Hungali ʻo aʻu ki hono fakamālohiʻi kinaua ʻe he puleʻangá ke na mavahe mei ai. ʻI he ʻaho kimuʻa peá na mavahé, naʻá na papitaiso mo hilifakinima ai ha toko 12 pea fokotuʻu ha kau taki ki ha kāingalotu ʻe toko 31.
Kimuʻa ʻi he ʻUluaki Tau Lahi ʻa Māmaní, naʻe kau ai ha kakai fakakātoa ʻe toko 106 ki he Siasí ʻi Hungali. Naʻe fakangatangata leva e ngāue fakafaifekaú ʻi ha ngaahi ʻuhinga fakapolitikale ʻo aʻu mai ki he ngaahi taʻu ʻo e 1980.
Naʻe tali fakalao ʻi Hungali ʻa e Siasí ʻi Sune 1988. Hili ha taʻu ʻe taha mei ai naʻe tāpuakiʻi ʻe Palesiteni Tōmasi S. Monisoni ʻa e fuofua falelotu ʻi he fonuá. Naʻe fokotuʻu ʻa e Misiona Hungali Putapesí ʻi Sune 1990.
Ko ha ngaahi moʻoni ʻeni ʻo fekauʻaki mo e Siasí ʻi Hungali he ʻahó ni:
|
Mēmipasipí |
4,253 |
|
Ngaahi misioná |
1 |
|
Ngaahi uōtí mo e koló |
19 |
|
Senitā hisitōlia fakafāmilí |
5 |