Mei he Fakahaofi Moʻui ʻi Ponitií ki he Fakahaofi Moʻui ʻi Pakeioó

Naʻe tuku ʻe Peleiki Mekiʻoueni, ʻa ia ne ʻiloa ko e tangata fakahaofi moʻui “foʻou” ʻi he polokalama televīsone ʻa ʻAositelēlia ko e Bondi Rescue, ʻa ʻene ngāue ʻi he matātahí ʻi Mē ʻo e taʻu kuo ʻosí, ka ne ʻalu ke fakahoko ha faʻahinga fakahaofi moʻui naʻe kehe. Naʻá ne tali hono uiuiʻi ke ngāue fakafaifekau ʻi Pakeiō ʻi he ʻOtu Filipainí. Naʻá ne vahevahe ʻa e ongoongo ko ʻení mo e ngaahi ongo naʻá ne maʻú, mo hono kaungā-ngāué mo kinautolu naʻe mamata he polokalamá.

Naʻá ne pehē, “Ne u fiefia lahi heʻeku ʻiloʻi te u ʻalu ki Filipainí.” “Te u ongoʻi ʻeku mavahe mei matātahí, ka ʻoku mahuʻinga kiate au ke u ʻalu ʻo ngāue fakafaifekau. Ko ha meʻa ia ne u taumuʻa ʻaki ʻi heʻeku moʻuí kotoa.”

ʻOku pehē ʻe Peleiki, “Naʻe ʻikai ha meʻa ia te u toe fie fai ʻi he taʻu ʻe ua kuo hilí ka ke u ngāue pē ʻi matātahi—ko e ngāue lelei taha ia ʻi he māmaní—ka ʻoku ʻikai ha meʻa lelei ange ia te u fie fai ʻi he taʻu ʻe ua ka hokó, ka ke u ngāue fakafaifekau. ʻOku ʻikai ko e Siasi ʻo Sīsū Kalaisi ʻo e Kau Māʻoniʻoni ʻi he Ngaahi ʻAho Kimui Ní ko ha tui fakalotu pē ʻe lava ke ke lea ʻo fakahā ʻokú ke kau ki ai; ka ko ha tui fakalotu ia kuo pau ke ke moʻui ʻaki. Ko ʻeku moʻuí ia. Ne u mei hoko ko ha tokotaha kehe ʻaupito, ka ne taʻe ʻoua e Siasí.”

Kuo tali ʻe Peleiki Mekiʻoueni mei he polokalama TV ko e Bondi Rescue ha uiuiʻi ke ngāue fakafaifekau ʻi he ʻOtu Filipainí.