Mūsiká
ʻOku ou Fie Papitaiso
ʻI he faʻa fakakaukau
1. [ʻOku ou fie papitaiso ʻi he teunga maʻa mo hinehina,
Ke u muimui ʻi he Fakamoʻuí, fai ʻa e meʻa totonú.
Te u fuakava mo Ia ke u angatonu maʻu pē,
He ko e meʻa ʻeni ʻokú Ne finangalo ke u faí.
2. ʻOku ou fie papitaiso ʻi hoku taʻu valú,
Ke u hū he matapā ʻo e papitaisó ki he puleʻanga ʻo Kalaisí.
Te u toʻo fiefia Hono huafá, ke ʻiloʻi ko ʻEne fānau au,
Pea feinga ke moʻui taau, ʻo hangē ko Kalaisí mo angavaivai.
3. ʻOku ou fie papitaiso ʻi he mālohi ʻo e ʻOtuá,
Foaki mai Hono Laumālié, fakamaʻa ʻo hangē ʻi ha afí.
Kaú ka talangofua ʻe tataki au ʻe he Laumālié
Mo tokoni ke u foki ha ʻaho ki heʻeku Tamaí.]
ʻi he ongoʻi ʻo e lotó
māmālie
© 2003 ʻe Kathleen Holyoak mo Gary Croxall. Maʻu ʻa e ngaahi totonu fakalao kotoa pē. ʻE lava ke hiki ha tatau ʻo e foʻi hivá ni ke fakaʻaongaʻi ʻi he ngaahi meʻa ʻa e Siasí ʻoku ʻikai fakakomēsialé pe ko hono fakaʻaongaʻi pē ʻi ʻapi. Kuo pau ke fakakau e fakatokanga ko ʻení ʻi he tatau kotoa pē ʻoku hiki.
Faitā ʻa Christina Smith; ʻata mei muí © Dynamic Graphics Inc.