Mary N. Cook
Fesoasoani Muamua i le Au Peresitene Aoao o Tamaitai Talavou
A o latou taulotoina faatasi le autu a Tamaitai Talavou ma tamaitai talavou i le lalolagi atoa, e faafetaia ai e Mary Nielsen Cook, o le fesoasoani muamua i le au peresitene aoao o Tamaitai Talavou, le iloaina lea o ia o se afafine o le Atua.
“Na maliu lo’u tama ia Novema 2007, ma ou te talitonu na finagalo le Alii na te tauaveina au i lenei taimi faigata,” na saunoa ai Sister Cook. “Tatou te aoaoina o tatou tamaitai talavou e faapea o i tatou uma o afafine o le Atua; o lenei aafiaga paia na toe faamautu mai ai Na te silafia ma alofa mai ia te au.”
Na soifua mai i le aso 8 o Iuni, 1951, i ona matua o Kenneth Nielsen ma Fern Swan Nielsen, na soifua ae Sister Cook i Midvale, Iuta, ISA, ma ofo atu ona aafiaga e avea ma faataitaiga i tamaitai talavou e feagai ma taimi le mautonu i o latou olaga.
“Na faatoa ou faaipoipo i le 37 o o’u tausaga, ma ua ou iloa le tele o le popole ma le fefe o loo feagai ma tamaitai,” na saunoa ai Sister Cook. “E ao ona ia te oe le faatuatua ma le lototele e faaauau ai ona agai i luma, e ui i le le mautonu.”
Sa faaipoipo atu o ia ia Richard E. Cook i le aso 16 o Iulai, 1988, i le malumalu o Sate Leki ma o ia o se tina a ni fanau tausi se toafa ma se tina matua a ni fanau tausi a ni fanau e 17.
“O le lelei o le aoga o se fesoasoani tele lea i lo’u olaga,” na saunoa ai Sister Cook, o le na mauaina sona faailoga o le tagata malaga ma le matuaofaiva i le lelei o le tautala ma le faalogo e faapea foi se faailoga o le EdS (tomai faapitoa i aoaoga) mai le Iunivesite o Polika Iaga. “Ua sili atu ai ona saunia au e auauna atu o se tina ma auauna atu i le Ekalesia.”
Sa auauna atu faamisiona ia Sister Cook i Mongolia faatasi ma lona toalua, o le na te valaauina o lana uo sili. Sa auauna atu muamua o ia o se fesoasoani lua i le au peresitene aoao o Tamaitai Talavou faapea le fono faatonu aoao a Tamaitai Talavou.
E talitonu Sister Cook e taua le taulai atu i tagata taitoatasi. “Matou te mananao i tamaitai talavou taitoatasi ina ia laulaututu e avea ma molimau a Keriso,” na saunoa ai Sister Cook. “E le na o ni upu na mea. E moomia ona tatou fesoasoani e tuu atu ia te ia le naunautaiga ma le mautinoa ina ia avea ai ma se afafine amiotonu o le Atua.”