Elder Carlos A. Godoy
O Le Fitugafulu
E mafai ona avea lou aiga ma uo sili ona latalata atu ia te oe,” o le saunoaga lea a Elder Carlos Augusto Godoy, lea e lei leva ona valaauina i le Korama Muamua a Fitugafulu. “E mafai ona e alu ese mai isi uo, ae o le aiga e tumau pea.”
E saunoa Elder Godoy mai mea na ia oo i ai. Talu ai ona o avanoa faaleaoaoga, tulaga faalegaluega, ma tofiga faaleEkalesia, na mafua ai ona nonofo ia Elder Godoy; o lona faletua o Mônica Soares Brandão; ma le la fanau e toafa i le tele o nofoaga e aofia ai Porto Alegre, Pasila; São Paulo, Brazil; Provo, Iuta, ISA; ma Belem, Pasila.
E tusa lava foi a o lei oo i ona tofiga na mafua ai ona malaga atu o ia i le isi itu o le atunuu po o atunuu foi e mamao, sa talisapaia lava e Elder Godoy ia sootaga vavalalata faaleaiga. O lona malaga atu faatasi ma lona tuafafine laitiiti i se gaoioiga a le Ekalesia na uluai faailoa atu ai le talalelei a Iesu Keriso ia te ia. O lena aafiaga na tau atu ai i le latou feiloaiga ma faifeautalai ma papatisoina ai i se masina mulimuli ane.
Na soifua mai Elder Godoy i le aso 4 o Fepuari, 1961, i Porto Alegre, Pasila, i ona matua o Moacir Godoy ma Ivone Poersch Godoy. Na auai o ia i le Ekalesia i le 1977 ma auauna atu ai mulimuli i se misiona i São Paulo. O i laua ma Mônica, o le sa ia feiloai i ai i se konafesi a le autalavou i le taumafanafana ae lei leva ona ia auai i le Ekalesia, sa faaipoipoina i le 1984 i le Malumalu o São Paulo Pasila.
Na maua e Elder Godoy se faailoga o le tagata malaga i mea tau i le tamaoaiga ma faiga faaupufai mai le Pontificia Universidade Católica ma se faailoga o le matuaofaiva i amioga faalefaalapotopotoga mai le Iunivesite o Polika Iaga. Sa ia faaaluina lana galuega i le tele o tulaga tau pisinisi a o lei amataina lana lava kamupani.
Sa avea Elder Godoy o se epikopo, fautua maualuga, peresitene o le misiona, ma se Fitugafulu Eria. Na ia saunoa faapea o nei avanoa e auauna atu ai, sa ia aoao atili ai i le faagasologa o le “avea ai” ma tulimatai atu i le aoao ai i lona valaauga fou.
“Ua ou lagonaina se lagona o le faatauvaa,” na ia saunoa ai, “ae ua ou iloa o loo taitaia e le Faaola lenei galuega ma e mafai ona Ia fesoasoani ia i tatou uma ia avea atili faapei o Ia.”