Pa Ta un Siguidó di Cristu
Pa ta un siguidó di JesuCristu ta un esfuerso pa ahustá nos akshonan, kondukta i bida na esun di Señor.
Den mi estudio personal di skritura, mi tabata impreshoná pa e kombersashon di Saulo di Tarsus, ku despues a bira konosí komo Pablo manera ta deskribí den beibel.
Pablo tabata un hòmber aktivo den persigui mIglesia i Cristiana . Pero pa poder di shelu i e Ekspiashon di JesuCristu, el a wòrdu kambiá totalmente, i el a bira un di e gran sierbonan di Dios. Su ehèmpel di bida tabata Señor JesuCristu.
Den un di e enseñansanan di Pablo na e Korintionan, el a invitá nan pa ta su siguidó manera e mes tabata un siguidó di Cristu (wak 1 Korintionan 11:1). Esaki ta un invitashon sinsero i balido for di Pablo su tempu te ku awendia: ta un siguidó di Cristu.
Mi a kuminsá reflekshroná riba kiko kemen bira un siguidó di Cristu. I mas importante, mi a kuminsá puntra, “Na kki manera mi mester imit‘É?”
Pa ta un siguidó di JesuCristu ta un esfuerso pa ahustá nos akshonnan, kondukta i bida na esun di Señor. E ta pa atkerí virtutnan. E ta pa bira un disípulo berdadero di JesuCristu.
Mi a studia algun aspekto di e bida di Señor, i mi a keda kòrda, komo parti di mi mensahe awe, kuater di Su kualidatnan ku mi ta trata di imitá i ku mi ta kompartí ku boso.
E promé kualidat di e Salbador ta humildat. JesuCristu tabata hopi humilde for di e bida premortal. Den Konsilio den Shelu, El a rekonosé i laga e boluntat di Dios prevalesé den e plan di salbashon di humanidat. El a bisa, Tata, Bo boluntatsea hasí i e gloria lo ta pa Bo pasemper.(Moises 4:2).
Nos sa ku JesuCristu a siña humildat i a humiliá Su mes pa glorifiká Su Tata.
Laga nos biba den humildat pasobra e ta trese pas (wak Doctrina y Convenios 19:23). Humildat ta bai promé ku gloria i e ta trese fabor di Dios riba nos: “Si, Boso tur, sea sumiso un na otro; i boso tur, bisti boso mes ku humildat; pasobra Dios ta resistí e orguyoso, pero ta duna grasia na e humilde” (1 Pedro 5:5). Humildat ta trese kontestanan amabel. E ta e fuente di un karakter rekto.
Elder Dale G. Renlund taught:
“Personanan ku ta kana humildemente ku Dios ta kòrda loke Tata Selestial i JesuCristu a hasi pa nan.”
“Nos ta aktua honorabel ku Dios ora nos kana humildemente ku n‘E” (“Do Justly, Love Mercy, and Walk Humbly with God,” Liahona, Nov. 2020, 111, 109).
E di dos kualidat di e Salbador ta kurashi. Ora mi pensa riba JesuCristu ku Su 12 aña, sintá den tèmpel di Dios entre e dòkternan di lei i siñando nan kosnan divino, mi ta nota ku E ya tabatin, hopi trempan den Su bida, un gran sentido di kurashi, un kurashi partíkular. Miéntras hopi lo a spera di mira e hóben wòrdu siña dor di e dòkernan di lei, E tabata siña nan, “nan tabata skuchando E i hasiendo pregunta na DjE” (Traducciones José Smith, Lukas 2:46 [in Lukas 2:46, footnote c]).
Nos a sirbi un mishon di tempu kompletu na e di Mishon Mbuji-Mayi na Repúblika Demokrátiko Kongo for di 2016 te 2019. E manera di biaha di un zona pa otro den mishon tabata via karetera. Un fenómeno a lanta [kabes] den e area ei ku bandidunan ku arma blanku interfiriendo e kaminda i stroba e movementu di e biaheronan.
Sinku misionero biahando di un zona pa otro komo parti di nan transferensia a bira víktima di e desturbionan aki. Ya ku nos mes tabata víktima di e fenómeno aki, nos a kuminsá di teme pa e bida i seguridat di nos tur, asta dudando pa biaha riba e kamindanan aki pa bishitá e misioneronan i tene e konferensia di zona. Nos no tabata sa kuantu lo e bai dura. Mi a traha un informe, kual mi a manda pa e Presidensia di Area i mi a ekspresá nos sintimentunan di miedu tokante sigui biaha ora via karetera tabata e úniko manera pa yega serka nos misioneronan.
Den su kontesta, Elder Kevin Hamilton, kende tabata nos Presidente di e Area Sùitost di Afrika, a skirbi mi: “Mi konseho ta hasi e mihó ku boso por. Sea sabio i hasi orashon. No pone bo mes ni bo misioneronan den peliger deliberadamente, pero na mesun momentu sigui bai dilanti ku fe. Pasobra Dios no a duna nos un spiritu di temor, sino di poder i di amor i di sano huisio.(2 Timoteo 1:7).”
E eksortashon aki a duna nos forsa i a laga nos kontinuá pa biaha i sirbi ku kurashi te ora nos a kaba nos mishon, pasobra nos a tende guia di nos Tata den Shelu pa medio di skritura.
Den skritura moderno, nos ta lesa e palabranan ku ta inspirá di e Profeta José Smith reflekshonando e enkurashámentu di Dios pa nos: “Rumannan nos no mester sigui pa dilanti den un kousa asina grandi? Bai dilanti i no bai patras. Kurashi rumannan i sigui, sigui pa e viktoria! (Doctrina y Convenios 128:22).
Laga nos tin e kurashi pa hasi loke ta bon asta ora e no ta popular—e kurashi pa defendé nos fe i aktua pa fe. Laga nos tin e kurashi pa arepentí tur dia, e kurashi pa aseptá e boluntat di Dios i obedesé Su mandamentunan. Laga nos tin e kurashi di biba rektamente i hasi loke ta spera di nos den nos diferente responsabilidatnan i posishonnan.
E di tres kualidat di e Salbador ta pordon. Durante Su ministerio mortal, e Salbador a prevení pa un muhé ku a wòrdu sorprendí den adulterio wòrdu piedrá. El a dun’é e enkargo di “bai i no peka mas” (Juan 8:11). Esaki a yud’é pasa dor di arepentimentu i eventualmente pordon, paso e skrituranan ta bisa “e muhé a glorifiká Dios for di e momentu ei i a kere den Su nòmber” (Tradukshon do Jose Smith, Juan 8:11den Juan 8:11, referensia c]).
Durante un devoshonal di Pasku desèmber 2018, Nos estimado Presidente Russell M. Nelson a papia tokante kuater donnan ku nos e risibí for di Señor. El a bisa ku un di e donnan ku Señor ta ofresè ta e abilidat pa pordoná:
“Dor di Su Ekspiashon infinito, bo por pordoná esnan ku a hasi bo daño i ku kisas nunka lo akseptá responsabilidat pa nan krueldat n’abo.
Ta usualmente fásil pa pordoná esnan ku sinseramente i humildemente buska nos pordon. Pero Señor lo konsedé bo e abilidat pa pordoná tur hende ku a maltratá bo di kualke manera” (“Kuater Donnan ku JesuCristu ta ofresé Bo” [devoshonal di pasku di e Promé Presidensia, Dec. 2, 2018], broadcasts.ChurchofJesusChrist.org).
Laga nos sinseramente pordoná un na otro pa optené pordon di e Tata. Pordon ta hasi nos liber i hasi nos digno pa partisipá di e sakramentu tur djadumingu. Pordon ta rekerí di nos pa ta disípulonan berdadero di JesuCristu.
E di kuater kualidat di e Salbador ta sakrifisio E ta parti di e evangelio di JesuCristu. E Salbador a duna e sakrifisio supremo di Su bida pa nos pa asina nos por wòrdu redemí. Sintiendo e doló di sakrifisio, El a pidi Su Tata pa pasa e kopa, pero El a bai te final di e sakrifisio eterno. Esaki ta e Ekspiashon di JesuCristu.
Presidente M. Russell Ballard a siña esaki: “Sakrifisio ta [e] demostrashon di amor puru. E nivel di amor pa nos Señor, pa e evengelio i pa nos prohímo por wòrdu midí pa loke nos ke sakrifiká pa nan” (“E bendishonnan di Sakrifisio,” Liahona, Mei 1992, 76).
Nos por sakrifiká nos tempu pa ministrá, pa sirbi otronan, pa hasi bon, pa hasi historia familiar i magnifiká nos yamamentu den Iglesia.
Nos por duna di nos medionan finansiero dor di paga nos diesmo, ofrenda di ayuno i otro donashonnan pa konstruí e reino di Dios riba tera. Nos mester di sakrifisio pa warda e kombenionan ku nos a hasi ku e Salbador.
Mi orashon ta pa dor di sigui JesuCristu i hasiendo uso di e bendishonnan di Su Ekspiashon, nos lo bira mas i mas humilde, nos lo haña mas kurashi, nos ta pordoná mas i mas i nos lo sakrifiká mas pa Su reino.
Mi ta testifiká ku nos Tata Selestial ta biba i ku E konosé kada unu di nos individualmente, ku Jesus ta e Crisru, ku Presidente Russell M. Nelson ta Dios Su profeta awendia. Mi ta testifiká ku E Iglesia di JesuCristu di e Santunan di e Delaster Dianan ta e reino di Dios na mundu i [ku] e Buki di Mormon ta bèrdat. Den e nòmber di JesuCristu, nos Redentor amèn.