E Nesesidat pa un Iglesia
E skrituranan di forma kla ta siña e origen i nesesidat pa un Iglesia dirigí pa i ku e outoridat di nos Señor, JesuCristu.
Hopi aña pasá, Elder Mark E. Petersen, un miembro di e Quorum di e Diesdos Apòstelnan, a kuminsá un diskurso ku e ehèmpel aki.
“Kenneth i su kasá, Lucille, ta bon hende, honesto i stret. Sinembargo, nan no ta bai iglesia, i nan ta sinti ku nan por ta bon sufisiente sin esaki. Nan ta siña nan yunan honestidat i virtut i nan ta bisa nan mes ku esei ta tur kos ku e Iglesia lo hasi pa nan.
“I, di tur manera, nan ta insistí ku nan mester nan wikènt pa rekreo familiar … [i] bai-iglesia realmente lo stroba nan.”1
Awe, mi mensahe ta tokante e hendenan bon i di mentalidat religioso ku a stòp di asistí na òf partisipá den nan iglesianan.2 Ora mi bisa “iglesianan” mi ta inkluí snoa, moské, òf otro organisashonnan religioso. Nos ta preokupá ku asistensia den tur esakinan a baha konsiderabelmente, na nivel nashonal.3 Si nos stòp di balorá nos iglesianan pa kualke motibu, nos ta peligrá nos bida personal spiritual, i un kantidat grandi ku ta separando nan mes di Dios ta redusí Su bendishonnan na nos nashonnan.
Asistensia i aktividat den un iglesia ta yuda nos bira mihó hendenan i mihó influensia riba e bida di otronan. Den iglesia nos ta wòrdu siñá kon apliká prinsipionan religioso. Nos ta siña un na otro. Un ehémpel persuasivo ta mas poderoso ku un sermon. Nos ta wòrdu fortalesé dor di asosiá ku otro [hende] ku mentenan similar. Den asistensia i partisipashon den iglesia, nos kurason ta, manera Beibel ta bisa, “siendo [mará] un ku otro den amor.”4
I.
E skrituranan ku Dios a duna e Cristiannan den e Beibel i den revelashon moderno di un manera kla ta siña e nesesidat pa un Iglesia. Tur dos ta mustra ku JesuCristu a organisá un iglesia i a kontemplá ku un iglesia lo sigui ku Su obra despues di DjE. El a yama Diesdos Apòstel i a duna nan outoridat i yabinan pa dirigí esaki. E Beibel ta siña ku Cristu ta “e kabes di e iglesia”5 i ku Su ofisialnan a wòrdu duná “pa e perfekshon di e santunan, pa e obra di e ministerio, pa e edifikashon di e kurpa di Cristu.”6 Sigur e Beibel ta kla riba su orígen di e iglesia i e nesesidat pa esaki awor aki.
Algun ta bisa ku bishitando reunionnan di iglesia no ta yudando nan. Algun ta bisa, “mi no a siña nada awe” òf “niun hende tabata kariñoso ku mi” òf “mi a wòrdu ofendí.” Desapunto personal nunka mester kita nos for di e doktrina di Cristu, ku a siña nos pa sirbi, i no pa wòrdu sirbí.7 Ku esaki den mentem un otro miembro a deskribí e enfoke di su sistimentu na Iglesia:
“Añanan pasá, mi a kambia mi aktitut pa ku bai iglesia. Mi no ta bai iglesia mas pa mi bon, pero pa mi pensa riba otro. Mi ta hasié un asuntu di bisa halo na pesonanan ku ta sinta nan so, pa yama bishitantenan bonbiní, … pa ta boluntario pa un asignashon. …
“En korto, mi ta bai iglesia tur siman ku e intenshon pa ta aktivo, no pasivo, i pa hasi un diferensia positivo den bida di hendenan.”8
Presidente Spencer W. Kimball a siña ku “nos no ta bai e reunionnan di Sabat pa wòrdu entretené òf asta solamente pa wòrdu instruí. Nos ta bai pa nos adorá Señor. E ta un responsabilidat indivudual. … Si e sirbishi ta un frakaso pa bo, abo a faya. Niun hende por adorá pa bo; bo mester hasi bo propio espera riba Señor”9
Asistensia na Iglesia por habri nos kurason i santifiká nos almanan.
Den un iglesia nos no ta djis sirbi nos so òf pa nos propio boluntat òfna nos kumbinensia. Usualmente nos ta sirbi den un ekipo. Den servisio nos ta haña oportunidatnan mandá di shelu pa lanta riba individualismo di nos tempu. Servisio dirigí pa Iglesia ta yuda nos pa vense e egoismo personal ku por demorá nos kresementu spiritual.
Tin otro bentaha importante pa menshoná, maske ta kòrtiku. Den iglesia nos ta asosiá ku hendenan maravioso luchando pa sirbi Dios. Esaki ta rekordá nos ku nos no ta nos so den nos aktividatnan religioso. Nos tur mester tin un asosiashon ku otro, i asosiashonnan di iglesia ta algun di e mihó ku nos por eksperensiá, pa nos i nos kompañeronan i nos yunan. Sin e asosiashonnan ei, spesialmente entre muchanan i mayornan fiel, investigashon ta mustra un difikultat kresiente pa mayornan pa lanta muchanan den nan fe.10
II.
Te awor aki, mi a papia tokante iglesianan general. Awor lo mi papia di e rasonnan spesial di miembresia asistensia, i partisipashon den E Iglesia restorá di JesuCristu di e Santunan di Delaster Dianan.
Nos, naturalmente, ta afirmá ku e skrituranan, di antaño i moderno, di forma kla ta siña [di] e origen i nesesidat pa un Iglesia dirigí pa i ku e outoridat di nos Señor, JesuCristu. Tambe nos ta testifiká ku e Iglesia restorá di JesuCristu a wòrdu restablesé pa siña e plenitut di Su doktrina i pa ofisialisá ku Su outoridat di saserdosio pa efektuá e ordenansanan nesesario pa drenta e reino di Dios.11 Miembronan ku ta apstené nan mes di asistí na Iglesia i ta konfia solamente riba nan spiritualidat personal ta separá nan mes di e partinan importante di evangelio: e poder i bendishonnan di e saserdosio, e plenitut di e doktrina restourá, i e motivashonnan i oportunidatnan pa apliká e doktrina ei. Nan ta pèrdè nan oportunidat pa kualifiká pa perpetuá nan famia pa eternidat.
Un otro gran bentaha di e Iglesia restourá ta ku e ta yuda nos krese spiritualmente. Kresementu ta nifiká kambio. Den terminologia spiritual esaki ta nifiká arepentí i buska pa aserká mas na Señor. Den e Iglesia restourá nos tin doktrina, proseduranan, i ayudantenan inspirá ku ta asistí nos pa arepentí. Nan propósito, asta den konseho di miembresia, no ta pa kastigu, manera e resultado di un korte kriminal. Iglesia su konseho di miembresia ku amor ta buska pa yuda nos kualifiká pa e miserikòrdia di pordon hasí posibel pa medio di e Ekspiashon di JesuCristu.
Spiritualidat individual kasi nunka por proveé e motivashon i struktura pa servisio apnegá proveé pa e Iglesia restorá. Gran ehèmpel di esaki ta e hombres i mujeres jovenes i lidernan ku ta pone nan edukashon i aktividatnan di penshonado pa aseptá yamamentunan misional. Nan ta traha komo mishoneronan pa stranheronan na lugánan poko familiar ku nan no a skohe. Meskos ta bèrdat di miembronan fiel ku ta partisipá den e servisio apnegá ku nos ta yama “obra di tèmpel.” Niun di e tipo di servisio ei lo ta posibel sin e Iglesia ku ta patrosiná esaki, organisá esaki, i dirigí esaki.
Nos fe religioso di miembronan i servisio di Iglesia a siña nan kon pa obra ku esfuerso di koperashon pa benefisiá e komunidat mas grandi. E tipo ei di eksperensia i desaroyo no ta pasa den individualismo ku tantu ta prevalesé den e práktika di nos sosiedat koriente. Den e organisashon geográfiko di nos barionan lokal, ku nos ta asosiá i traha ku personanan ku normalmente nos lo no a skohe, personan ku ta siña nos i ta tèst nos.
Adishonalmente banda di yuda nos siña kualidatnan spiritual manera amor, kompashon, pordon, i pasenshi esaki ta duna oprtunidat pa siña kon pa traha ku personanan di hopi diferente bèrount i preferensia. E bentaha aki a yuda hopi di nos miembronan i hopi organisashon ta wòrdu bendishoná dor di nan partisipashon. Santunan di e Delaster Dianan ta konosé pa nan abilidat di guia i uni den esfuersonan den koperashon. E tradishon ei tin su orígen den e pioneronan yen kurashi ku a kolonisá e Oksidente inter montañoso i establesé nos tradishon balioso di koperashon apnegá pa e bon komun.
Nos esfuersonan humanitario i karitativo mester wòrdu lográ dor di agrupá i manehá rekursonan individual riba un eskala amplio E Iglesia restourá ta hasi esaki ku su esfuersonan enorme humanitario rònt mundu. Esakinan ta inkluí suministronando edukashonal i di medisina, alimentando esun ku hamber, kuidando di e refugiado, yudando pa bòltu e efektonan di adikshon, i masha hopi otro kos. Nos miembronan di Iglesia ta konosí pa nan proyektonan di nan Mannan ku ta Yuda den desasternan di naturalesa. Miembronan di Iglesia ta pèrmití nos pa ta parti di esfuersonan asina grandi. Miembronan tambe ta paga ofrenda di ayuno pa yuda e poberban meimei di nan.
Adishonalmente na sinti pas i goso dor di e kompania di e Spiritu, nos miembronan ku ta asisití na Iglesia ta gosa di e frutanan di biba e evangelio, manera e bendishonnan di biba e Palabra di Sabiduria i e prosperidat material spiritual primintí pa biba e lei di diesmo. Tambe nos tin e bendishon di e konseho di nos lidernan inspirá.
I komo korona riba tur esaki ta e ordenansanan di saserdosio nesesario pa eternidat, inkluyendo e snata sena ku nos ta risibí kada dia di Sabath E ordenansa ku ta kulminá den e Iglesia restourá ta e kombenio sempiterno di matrimonio ku ta hasi posibel e relashon familiar ta perpetuo Presidente Russell M. Nelson a siña esaki di un manera memoranel, El abisa: “Nos no pordeseá nos kaminda den presensia di Dios. Nos mester obedesé e leinan riba kual [e bendishon ei ta] basá.”12
Un di e leinan ei ta pa adorá den iglesia kada dia di Sabat.13 Nos adorashon i aplikashon di prinsipionan eterno ta hala nos mas serka di Dios i magnifiká nos kapasidat pa stima. Parley P. Pratt, un di e Apòstelnan original di e dispensashon aki, a deskribí kon el a sinti ora e Profeta José Smith a splik’é e prinsipionan aki: “mi a sinti ku Dios ta mi Tata selestial di bèrdat; ku Jesus ta mi ruman, i ku e kasá di mi alma ta un kompañero inmortal, i eterno; un angel gentil, ministrando, duná na mi pa mi konsuelo, i un korona di gloria pa semper. En korto, awor mi por stima ku e spiritu i tambe ku konosementu.”14
Terminando, mi ke kòrda tur ku nos no ta kere [kosnan] bon solamente por wòrdu lográsolamente dor di un iglesia. Independientemente di un iglesia, nos ta mira miones di hende sosteniendo i hasiendo inkontabel obranan bon. Individualmente, Santunan di Delaster Dianan ta partisipá den hopi di nan. Nos ta mira e obranan aki komo un manifestashon di e berdat eterno ku “e Spiritu ta duna lus na tur hende ku ta bin na mundu.”19
No opstante e bon obranan ku por wòrdu lográ sin un iglesia, e plenitut di doktrina i su ordenansanan ku ta salba i eksaltá ta optenibel solamente den e Iglesia restourá. Adishonalmente, asistiendo na Iglesia ta duna nos e fortalesa i mehoransa di fe ku ta bin di asosiá nos ku otro kreyentenan i adorá huntu ku esnan ku tambe ta bringando pa keda riba e kaminda di kombenio i ta mihó disípulo di Cristu. Mi ta pidi ku nos por ta firme den eksperensianan di Iglesia ora nos ta buska bida eterno, esun di mas grandi di tur e donnan di Dios, den e nòmber di JesuCristu, amèn.