Dignidat No Ta Perfekshon
Ora bo sinti ku bo a faya demasiado biahapa sigui purba, kòrda [ku] Cristu Su Ekspiashon i e grasia ku e ta hasi posibel ta real.
Un biaha mi a manda un mesahe pa mi yu muhé i mi suegro usando e funshón di stem-pa-teksto den mi telefòn. Mi a bisa, “Hey boso dos. Segur mi stima boso.” Nan a risibí, “Mi ta odia boso. Mester stima boso.” No ta sorprendente kon fásil un mensahe positivo ku bon intenshon por wòrdu mal interpretá? Esaki ta lo kual tin biaha ta pasa ku e mensahenan di Dios di arepentimentu i dignidat.
Algun ta risibí pa kibukashon e mensahe ku arepentimentu i kambio no ta nesesario. E mensahe di Dios ta ku nan ta esensial.1 Pero Dios no ta stima nos apesar di nos defisiensianan? Naturalmente ; Klaro! E stima nos perfektamente. Mi ta stima mi ñetunan, ku imperfekshonnan i tur, pero esei no ke men ku mi no kier pa nan mehorá i bira tur lo kual ku nan por bira. Dios ta stima nos manera nos ta, pero E tambe e ta stima nos asina tantu pa laga nos asina aki.2 Krese te na Señor ta e propósito di mortalidat.3 Kambio ta e propósito di e Ekspiashon di Cristu . No ta Cristu só por resusitá, limpia, konsolá, i kura nos, pero apesar di tur kos, E por transformá nos pa nos bira mas manera E.4
Algun ta risibí eróneamente e mensahe ku arepentimentu ta un evento di un biaha. E mensahe di Dios ta, manera Presidente Russel M. Nelson a siña, “Arepentimentu … ta un proseso.”5 Arepentimentu por tuma tempu i esfuerso repetitivo, 6 kermen stòp di kometé piká7 i tin “no tin e disposihon mas pa hasi malu, pero pa hasi bon kontinuamente”8 ta empeño di hinter nos bida.9
Bida ta manera un kareda na karetera ku opstákulo. Nos no por yega na nos destinashon riba un tanki di gasolin. Nos mester yena e tanki diferente biaha. Tuma e Santa Sena ta manera yega na e pòmp di gasolin. Ora nos arepentí i renobá nos kombenionan, nos ta primití ku boluntat pa warda e mandamentunan, i Dios i Cristu lo bendishoná nos ku e Spiritu Santu. 10 Den resumen, nos ta primití sigui dilanti den nos biahe, i Dios i Kristo a primiti pa yena nos tanki bèk.
Algun ta risibí eróneamente e mensahe ku nan no ta digno di partisipá kompletamente den e evangelio pasobra nan no ta kompletamente libèr di kostumbernan malu. E mensahe di Dios ta ku dignidat no ta perfekshon.11 Dignidat ke men sea honesto kemen ta honesto i purba. Nos mester ta honesto ku Dios, lidernan di saserdosio, i otronan ku ta stima nos,12 i nos mester hasi nos esfuerso pa warda e mandamentunan di Dios i nunka renunsiá djis pasobra nos a hasi un fayo.13 Elder Bruce C. Hafen a bisa ku desaroyá un karakter Cristian “ta rekerí pasenshi i persistensia mas ku e ta rekerí perfekshon.”14 Señor a bisa ku e regalonan di e Spirituta “duna benefisio na esnan ku stima Mi i ta warda tur Mi mandamentunan,i esun ku ta buska pa hasiasina.”15
Un homber hoben ku lo mi yama Damon a skibi: “Kresiendo mi a lucha ku pornografia. Ami semper a sinti mi ku hopi berguensa ku mi no por a hasi e kosnan korekto.” Kada biaha ku Damon a slep, e doló di arepentimentu a bira asina intenso, ku e tabata husga su mes severamente pa ta indigno di kualke tipo di grasia, pordon, òf oportunidatnan adishonal di Dios. El a bisa “Mi a didisí ku mimeresé solamente pa sinti teribèl tur ora. Mi a pensa ku Dios probabelmente tabata odia mi pasobra mi no tabata dispuesto pa traha mas duru i superá esaki mesora. Mi a pasa un siman i tin biaha asta un luna, pero despues mi ta kai bèk i mi ta pensa, ’Nunka lo mi ta sufisientemente bon, awèl kua ta e motibu pa sigui purba?’”
Den un momentu asina abou Damon a bisa su lider di saserdosio: “Porta mi mester djis stop di bini Iglesia. Mi ta kansá di ta un hipókrita.”
Su lider a kontestá: “Bo no ta un hipókrita pasobra bo tin un kostumber malu ku bo ta purbando pa kibra. Bo ta un hipókrita si bo skonde esaki, gaña riba esaki, of purba di kombensé bo mes ku e Iglesia tin e problema di mantené un stándart asina haltu. Ser honesto riba bo akshonan i tumando stapnan pa move bai dilanti no ta hipókrita. Esaki ta di ser un disípulo.”16 E lider aki a sita Elder Richard G. Scott, kual a siña: “Señor ta wak debilidat diferente ku E ta wak rebelion. … Ora Señor ta papia di debilidat, ta semper ku miserikòrdia.”17
E perspektiva ei a duna Damon speransa. El a realisá ku Dios no tabata aya riba bisando, “Damon a faya atrobe.” Mas bien, E tabata probablemente bisando, “Wak kon leu Damon a yega.” E homber hoben aki finalmente a stop di wak abou ku berguensa of di wak den banda pa ekskiusèksküs i rashonalisashon. El a wak ariba pa yudansa divino, i el a haña esaki.18
Damon a bisa, “E úniko biaha ku mi a bira na Dios den pasado ta pa pidi pordon, pero awor mi ta pidi tambe pa grasia—Su poder pa abilitá’ [Bible Dictionary, “Grace”]. Nunka promé mi no a hasi esei. E dianan aki mi a pasa hopi ménos tempu odiando mi mes pa lokual ku mi a hasi i hopi mas tempu stimando Jesus pa lo kual ku E a hasi.”
Konsiderando kon largu Damon a lucha, tabata inutil i irealístiko ku mayornan i lidernan ku tabata yud’é pa bisa “nunka atrobe” hopi lihé of estabesé arbitrariamente pone algun stándart di apstinensia pa por wòrdu konsiderá “digno.” Na lugá di esei, nan a kuminsá ku metanan chiki i alkansábel. Nan a benta afó e speransa di tur-of-nada i nan a enfoká riba kresementu gradual, kual a permití Damon traha riba un serie di éksitonan na lugá di frakasonan.19 E, manera e hendenan sklabisá di Limhi, a siña ku e por “prosperá gradualmente.”20
Elder D. Todd Christofferson a konsehá: “Pa trata ku algu [hopi] grandi, nos lo tin mester traha riba dje na pidanan chiki, tur dia. … Inkorporando kustumbernan nobo i saludabel na nos karakter of e superashon di kustumbernan malu òf adikshonnan hopi biaha ta nifiká un eksfuerso awe siguí pa otro mañan i despues otro, por ta durante hopi dia, asta lunanan i añanan. … Pero nos por hasié pasobra nos por apelá na Dios … pa e yudansa ku nos mester kada dia.”21
Awor, rumanan , e pandemia di COVID-19 no tabata fásil pa niun hende, pero e isolashon asosiá ku e restrikshonnan di karantena a hasi e bida espesialmente difísil pa esnan ku ta lucha ku kostumbernan malu. Kòrda ku kambio ta posibel, arepentimentu ta un proseso, i dignidat no ta perfekshon. Mas importante, kòrda ku Dios i Cristu ta dispuesto pa yuda nos akinan i awor.22
Algun ta resibí eróneamnete e mensahe ku Dios ta wardando pa yuda astadespues ku nos arepentí. Dios su mensahe ta ku E lo yuda nosoranos arepentí. Su grasia ta disponibel pa nos ”no ta importá unda nos ta riba e kaminda di obediensia.”23 Elder Dieter F. Uchtdorf a bisa: ”Dios no mester di hende ku ta perfekto. ta buska esnan ku lo ofresé nan ‘kurason i un mente dispuesto’Doctrina y Convenios 64:34], i El lo hasi nan ‘perfekto den Cristu’[Moroni 10:32-33].”24
Hopi hende a wòrdu heridá pa relashonnan di famia kibrá i tenso ku ta difísil pa nan pa kere den Dios Su kompashon i pasenshi. Nan ta lucha pa wak Dios manera E ta—un Tata amoroso ku ta haña nos den nos nesesidat25i sá kon pa ”duna kosnan bon na esnan ku pidi E.”26 Su grasia no ta djis un premio pa esnan digno. Ta e ”asistensia divino” ku E ta duna ku ta yuda nos bira digno. No ta djis un rekompensa pa esnan hustu. Ta e ”investidura di fortalesa” ku E ta dunata yuda nos bira hustu.27 Nos no ta djis kana na Dios i Cristu. Nos ta kanando ku Nan.28
Na henter iglesia, e hobenan ta resitá e temanan di Mujeres Jóvenes i e Quorum di Saserdosio Aaróniko. For di New Zealand te na Spaña te na Etiopia te na Hapon, emujeres jóvenes ta bisa, ”Mi ta apresiá e don di arepentementu.” For di Chile te na Guatemala te na Moroni, Utah, e hombres jóvenes ta bisa, ”Ora mi hasi nos esfuerso pa sirbi, ehersé fe, arepentí, i mehorá kada dia, lo mi kalifiká pa risibi e bendishonnan di tempel i e goso permanente di e evangelio.”
Mi ta primintí e bendishonnan ei i e goso ei ta real i den alkanse di esnan ku warda tur e mandamentunan i “esun ku ta buska pa hasi esaki.”29 Ora bo sinti ku bo a faya demasiado biahapa sigui purba, kòrda [ku] Cristu Su Ekspiashon i e grasia ku e ta hasi posibel ta real.30 “[Su] manan di miserikordia [ta] ekstendé na bo.”31 Bo ta stimá—awe, aki 20 aña, i pa semper. Den e nòmber di JesuCristu, amèn.