E Amor di Dios
Nos Tata i nos Redentor a bendishoná nos ku mandamentunan, i obedesindo é Nan mandamentunan, nos ta sinti Nan amor perfekto mas kompletu i mas profundamente.
Nos Tata Selestial stima nos profundamente i perfektamente1 Den Su amor, El a krea un plan, un plan di redenshon i felisidat pa habri pa nos tur e oportunidatnan i goso ku nos ta dispuesto na risibí, te na i asta inkluí tur loke E tin i ta.2 Pa por logra esaki, E tabata asta dispuesto pa ofresé Su Yu Stimá, JesuCristu, komo nos Redentor. “Pasó Dios a stima mundu asina tantu ku El a duna Su úniko Yu, pa tur esnan ku kere den dj’E no bai pèrdí, pero haña bida eterno.”3 Di dj’E ta e amor puru di un tata—universal na nos tur pero personal pa kada un di nos.
JesuCristu ta kompartí ku e Tata e mesun amor perfekto. Ora e Tata a elaborá Su gran plan di felisidat inisialmente, El a yama un pa aktua komo e Salbador pa redimí nos— un parti esensial di e plan ei. Jesus a ofresé, “At’Ami aki, manda Ami.”4 E Salbador “no ta hasi nada sino ta pa benefisio di e mundu; pasó E ta stima e mundu, hasta ku El a duna su mes bida pa E por atraé tur hende na dj’E. P’esei, E a manda niun hende pa no partisipá den su salbashon.”5
E amor divino aki mester duna nos konsuelo i konfiansa abudante ora nos ta hasi orashon na nos Tata den nòmber di Cristu. Ningun di nos ta un stranhero pa Nan. Nos no mester duda pa akudí na Dios, ora nos no ta sinti digno. Nos por dependé riba e miserikòrdia i méritonan di JesuCristu ku nos lo wòrdu skuchá.6 Miéntras nos keda den e amor di Dios, nos ta dependé ménos i ménos di e akseptashon di otronan pa guia nos.
E Amor di Dios No Ta Ekskusá Piká; Mas Bien, E ta Ofresé Redenshon
Pasobra Dios Su amor ta brasa tur, algun lo papia di “inkondishonal,” i den nan mente, nan lo por proyektá e pensamentu ei pa nifika Dios su bendishonnan ta “inkondishonal,” i ku salbashonta “inkondishonal.” Nan no ta. Algun di nan sa bisa, “e Salbador ta stima mi djis manera mi ta,” i esei siertamente ta bèrdat. Pero E no por tuma ningun di nos den Su reino djis manera nos ta, “pasó nada impuru por biba einan, òf biba den Su presensia.”7 Nos pikánan mester wòrdu resolvé promé.
Profesor Hugn Nibley a yega di bisa ku e reino di Dios no por prevalesé si e ta komplase e piká di mas chikitu. “E mancha di mas chikitu di korupshon ta nifiká ku e otro mundu lo no lo ta ni inkorumpí ni eterno. E fayo mas chikitu den un edifisio,institushon, kodigo, òf karakter lo ta mustra di ta inevitablemente fatal a largo plaso den eternidat.”8 E mandamentunan di Dios ta “estrikto”9 pasobra Su reino i su siudadanonan por ta firme solamente si nan rechasá maldat i skohe bon, sin eksepshon.10
Elder Jeffrey R. Holland a opservá, “Jesus klaramente a komprondé loke hopi den nos kultura moderno ta parse di a lubidá: ku tin un diferensia krusial entre e mandamentu pa pordoná piká (kua E tabatin un kapasidat infinito pa hasi) i e atvertensia kontra di konden’é (ku E nunka no a hasi ni un biaha).”11
A pesar di nos imperfekshonnan presente, sin embargo, nos por spera ainda di haña “un nòmber i un posishon,”12 un lugá, den Su Iglesia i den e mundu selestial. Despues di tabata bon kla ku E no por ekskusá òf mira piká, Señor a sigurá nos,
“Sinembargo, esun ku arepentí i warda e mandamentunan di Señor lo wòrdu pordoná.”13
“I kon tantu biaha ku mi hendenan arepentí lo Mi pordoná nan nan pikánan kontra di Mi.”14
Arepentimentu i grasia divino ta resolvé e dilema:
“Korda tambe e palabranan ku Amulek a papia na Zeezrom, den e siudat di Ammonia, pasobra el a bisa nan ku Señor sigur lo mester bin pa redimí su hendenan, pero E lo no bin pa redimí nan dennan pikánan, pero pa redimí nan for di nan pikánan.
“I E tin poder duná na djE pa e Tata pa redimí nan for di nan pikánan dor di arepentimentu; ta p’esei el a manda su angelnan pa deklará e notisia di e kondishonnan di arepentimentu, kual ta hiba na e poder pa salba, pa salbashon di nan alma.”15
Ku e kondishon di arepentimentu, Señor por duna miserikordia sin hòrta hustisia, i “Dios no ta stòp di ta Dios.”16
E manera di mundu, manera bo konosé, ta anti-Cristu, òf “lo ke sea ménos Cristu.” Nos époka ta un repitishon di e historia di e Buki di Mormon den kua figuranan karismátiko ta buska dominio inhustu riba otronan, selebra lisensia seksual, i promové akulumashon di rikesa komo opheto di eksistensia. Nan filosofia ta hustifiká den kometé un tiki piká.17òf hasta hopi piká, pero ningun no por ofresé redenshon. Esei ta bin solamente pa medio di e sanger di e Lamchi. E mas mihó ku e grupo di “loke sea ménos Cristu” òf “loke sea ménos arepentimentu” por ofresé ta e preteksto sin base ku piká no ta eksistí òf ku e ta eksistí, pero finalmente e no tin konsekuensia. Mi no por mira ku e argumento ta haña masha gara den e Huisio Final.18
Nos no mester intentá imposibel dor di purba rashonalisá nos pikánan. Na otro banda, nos no tin ku intentá lo imposibel pa eradika e efektonan di piká dor di nos propio mérito solamente. Di nos no ta un religion di rashonalisá tampoko un religion di perfekshonismo, pero un religion di redenshon—redenshon pa medio di JesuCristu. Si bo ta entre e penitentenan, ku Su Ekspiashon nos pikánan ta krusifiká na Su krus, i “ku e zuipnan nos ta saná.”19
E Amor Anheloso di e Profetanan ta Reflehá e Amor di Dios
Pa hopi tempu mi a wòrdu impreshoná dor di, i tambe mi a sinti, e anhelo di amor di e profetanan di Dios den nan amonestashonnan kontra piká. Nan no ta motivá pa e deseo di kondená. Nan deseo berdadero ta reflehá e amor di Dios; de echo, e ta e amor di Dios. Nan ta stima esnan ku nan a wòrdu mandá p’e, ken sea ku nan por ta i kua manera ku nan por ta. Meskos ku Señor, Su siervonan no ke pa niun hende sufri e dolónan di piká i eskóhonan malu.20
Alma a wòrdu mandá pa deklará e mensahe di arepentimentu i redenshon pa hendenan odioso ku ta dispuesto na perseguí, torturá, i hasta mata kreyentenan Cristian, inkluyendo Alma mes. Ainda asina el a stima nan i deseá pa nan salbashon. Despues di deklará e Ekspiashon di Cristu na e pueblo di Amminoha Alma aroga: “I awor, mi rumannan, mi ta deseá for di e parti mas interno di mi kurason, si, ku gran ansiedat hasta na doló, ku lo bo tene na mi palabranan, i pone un banda bo pikánan, … pa nan por wòrdu alsá na e ultimo dia i drenta den e sosiegu di [Dios}.”21
Den e palabranan di Presidente Russell M. Nelson, “ta presisamente pasobra nos ta preokupá pa e yunan di Dios nos ta proklamá Su bèrdat.”22
Dios Stima Bo; Abo Stim’E?
E amor di e Tata i di e Yu ta duná kibermente pero tambe ta inkluísperansa i espektativanan. Atrobe, Manera Presidente Nelson a siña, “Dios Su leinan ta motivá kompletamente pa Su amor infinito pa nos i Su deseo pa nos bira tur kos ku nos por bira.”23
Pasobra Nan a stima bo, Nan no ke laga bo “djis manera bo ta.” Pasobra Nan stima bo, Nan ke pa bo tin goso i éksito. Pasobra Nan a stima bo, Nan ke pa bo arepentí pasobra esei ta e kaminda pa felisidat. Pero ta bo eskoho-Nan ta honra bo albedrio. Bo mester skohe pa stima Nan, pa sirbi Nan, pa warda Nan mandamentunan. E ora ei pa Nan por bendishoná bo mas abundantemente tambe i stima bo.
E espektativanan prinsipal di nos ta pa nos tambe stima. “Esun ku no stima no konose Dios; pasobra Dios ta amor.”24 Manera Juan a skibi, “Estimado, si Dios a stima nos, nos tambe mester stima un i otro.”25
Eks Presidente General di Primaria Joy D. Jones a rekordá ku komo un pareha hoben, e i su kasá a wòrdu yamá pa bishitá i ministrá un famia ku no a asistí na iglesia pa hopi aña. E tabata inmediatamente kla durante nan promé bishita ku nan no tabata bon biní. Despues di e frustrashon di intentonan fayá adishonal, i despues di hopi orashon sinsero i reflekshon, Hermano i Hermana Jones a risibí e kontesta na e dikon di nan servisio for di e versíkulo di Dotrina y Convenios: “Lo bo stima Señor ku tur bo kurason, ku tur bo poder, mente i forsa; i den e nòmber di JesuCristu lo bo sirbi E.”25 Hermana Jones a bisa:
“Nos a realisá ku nos tabata purba sinseramente pa sirbi e famia aki i pa sirbi nos obispu, pero nos tabata tin ku puntra nos mes si berdaderamen.te nos tabata sirbi pa amor na Señor. …
“… Nos a kuminsá anhelá na nos bishitanan ku e kerido famia aki pa motibu dinos amor pa Señor. (wak 1 Nephi 11:22. Nos tabata hasie pa E. El a hasi ku e lucha ei no ta un lucha mas. Despues di hopi luna i di nos para na e entrada di porta, e famia a kuminsá laga nos drenta. Eventualmente, nos tabatin orashonnan regular i diskushonnan tierno di e evangelio huntu. Un amistat duradero a desaroyá. Nos tabata ador’E i stim’E dor di stima Su yunan.”27
Rekonosiendo ku Dios ta stima nos perfektamente, kada un di nos por puntra, “Kon bon mi ta stima Dios? E por konfia riba mi amor manera ami por konfia riba di dj’E?” Lo no ta un aspirashon digno pa biba di tal manera ku Dios por stima nos no solamente a pesar di nos fayonan pero tambe pa motibu di loke nos ta birando? Oh, ku E por bisa di bo i ami manera El a bisa di Hyrum Smith, por ehèmpel, “Ami, Señor, stim’e pa motibu di e integridat den su kurason.”28yo, el Señor, lo amo a causa de la integridad de su corazón Laga nos kòrda e amonestashon gentil di Juan: “Pasobra esaki ta e amor di Dios, ku nos ta warda su mandamentunan: i su mandamentunan no ta doloroso.”29
Bèrdaderamente, Su mandamentunan no ta doloroso—al kontrario Nan ta marka e kaminda di sanashon, felisidat, pas, i goso. Nos Tata i nos Redentor a bendishoná nos ku mandamentunan, i den obedesé Nan mandamentunan, nos ta sinti Nan amor perfekto mas kompletu i mas profundo.30
Esaki ta e solushon na e tempunan di problema—e amor di Dios. Den e temporada di oro di e historia di e Buki di Mormon despues di e ministrashon di e Salbador, a wòrdu raportá ku “no tabatin kontenshonden e tera, pa motibu di e amor di Dios ku tabata biba den e kurason di e pueblo.”31 Miéntras nos ta purba pa yega Sion, laga nos kòrda e promesa den Revelashon: “Bendishoná ta esnan ku ta warda su mandamentunan, pa nan por tin e derechi di e palu di bida, i ku nan por drenta dor di e portanan den e siudat [santu].”32
Mi ta duna testimonio di e realidat di nos Tata Selestial i nos Redentor, JesuCristu, i di Nan amor konstante i eterno. Den e nòmber di JesuCristu, amèn.