Direkta sa Punto

Unsaon nato sa pagpuyo sa kalibotan ug “mosalikway sa mga butang niining kalibotan”?

The Disciples Whom He Had Chosen [Ang mga Tinun-an Kinsa Iyang Gipili], ni Casey Childs

Ang Ginoo miingon “Imong isalikway ang mga butang niini nga kalibotan, ug tinguhaa ang mga butang nga maayo” (Doktrina ug mga Pakigsaad 25:10). Wala kini magpasabot nga ibaliwala nato ang atong temporal ug materyal nga mga panginahanglan, apan kini nagpasabot nga dili nato ibutang ang atong mga kasingkasing sa bahandi, gahom, posisyon, o pag-uyon sa kalibotan. Ania ang pipila ka baroganan nga gitudlo kanato mahitungod sa pagpuyo sa kalibotan:

Unaha ang mga butang sa Dios. “Unaha ninyo pagpangita ang gingharian ug ang pagkamatarong gikan sa Dios” (Mateo 6:33). Sa atong mga kasingkasing ug sa atong mga kinabuhi, ang mga sugo sa Dios ug ang atong mga pakigsaad ngadto Kaniya mao ang atong prayoridad.

Tinguhaa ang pagkat-on. “Samtang kamo magkat-on mahitungod sa kalibotan sa inyong palibot, kat-oni usab ang mahitungod sa Manluluwas. … Kon magkadako ang inyong makat-onan, mas makatabang kamo sa pagtukod sa gingharian sa Dios ug makaimpluwensiya sa kalibotan alang sa maayo” (Alang sa Kalig-on sa mga Kabatan-onan: Usa ka Giya sa Paghimo og mga Pagpili [2022], 31, 32).

Trabaho. “Ang trabaho usa ka importante nga baroganan sa ebanghelyo. Kini nagpasiugda ug pag-uswag ug mopalambo kanato. … Dili lang gusto sa Ginoo nga kita mosangkap alang sa atong mga pamilya apan mamahimong ‘matinguhaon nga moapil diha sa usa ka maayo nga katuyoan’ [Doktrina ug mga Pakigsaad 58:27]” (“Employment,” Topics and Questions, Gospel Library).