Ikonektar
Maja C.
16, Drava, Slovenia
Litrato pinaagi ni Christina Smith
Ang akong inahan ug amahan nagbulag sa dihang duha ug tunga ang akong panuigon. Moadto ko sa pagbisita sa akong amahan matag bulan, ug sa dihang ako mas bata pa, kini makalingaw gayod. Apan sa dihang nagkahingkod na ko, kami adunay pipila ka pagkadili pagsinabtanay ug ang mga butang anam-anam nga nagkagrabe.
Nakahinumdom kong naghilak ngadto sa akong inahan nga dili na ko gustong mobisita pa sa akong amahan. Miingon siya, “Pag-ampo, ug ang tanan mamaayo ra.” Ug akong gibuhat.
Ang Dios mitabang kanako ug sa akong amahan. Karon kami mas maayo na og relasyon. Mag-istorya kami, ug motawag siya kon siya moadto sa iyang nasod nga natawhan, sa Macedonia, aron makaistorya nako ang akong pamilya didto.
Si Jesukristo kanunay nga nahimo nga akong kalig-on. Sa dihang ako adunay dagko nga mga hagit sa eskwelahan o panimalay, kanunay Siyang anaa alang kanako. Kanunay nakong gibati nga nagsuporta Siya kanako.
Mapasalamaton ko nga ang akong inahan mipaila kanako ngadto sa Simbahan ug ngadto sa Dios, tungod kay kini nakatabang gayod kanamo latas sa katuigan. Ang Dios ug si Jesukristo kanunayng nagpakabana kanato.