Mga Tingog sa Kabatan-onan
Mahimong OK ra Ako
Paghulagway pinaagi ni Katelyn Budge
Kulbaan ko kon motambong ko sa mga leksiyon sa Simbahan ug sa seminary ug kon mohatag ko og mga pakigpulong sa panagtigom alang sa sakramento. Apan ganahan nakong hinumdoman ang Doktrina ug mga Pakigsaad 84:88: “Ako anaa sa inyong tuo nga kamot ug sa inyong walà, ug ang akong Espiritu mahimo nga anaa sa inyong mga kasingkasing, ug ang akong mga anghel anaa libot kaninyo, aron sa pagtabang kaninyo.”
Kon akong mabasa o mahinumdoman kana nga kasulatan, akong mabati nga si Jesus nagbantay kanako ug nagsuporta kanako. Siya motabang kanako kon ako makahimo og mga sayop.
Gibati nako nga ang Langitnong Amahan miandam niini nga mga kahigayonan alang kanako. Siya mohimong posible niini alang kanako sa pagbuhat sa akong labing maayo, bisan kon kini lisod.
Bisan unsa pay mahitabo, mahimong OK ra ako kay ang Langitnong Amahan ug si Jesukristo motabang kanako samtang ako molihok inubanan sa hugot nga pagtuo.
Emma Y., edad 15, Ibaraki, Japan
Malingaw sa pagdula og mga board ug video game, pagdula og sports uban sa iyang pamilya, pagtan-aw og mga salida, ug paghimo og mga craft alang sa mga kalihokan sa kabatan-onan.