Mga Tingog sa Kabatan-onan

Ang Manluluwas Mitabang Kanako nga Mag-usab

Paghulagway pinaagi ni Katelyn Budge

Murag ingon ana ang akong nawong diin, kon dili ko mopahiyom, murag ko og nasuko tan-awon. Ang mga tawo mangutana, “Nganong nagmug-ot ka? Unsay imong problema?” Ug moingon ko, “Wala man ko nagmug-ot.” Apan ang ilang mga pangutana sa pagkatinuod nakapasuko gyod nako.

Ang akong papa nabalaka nako. Gitawag ko niya ngadto sa iyang kwarto ug miingon, “Kahibalo ka, dili mahimo nga magpadayon ka nga magbaton niining kinaiya sa kasuko. Unsa man ang nakahasol kanimo?” Nakahukom ko gusto ko nga mag-usab.

Nag-ampo ko ug mitawag sa Langitnong Amahan aron sa pagtabang kanako. Paglabay sa panahon, misugod ko sa pagbati og lahi. Dili na kaayo ako masuko, mas mopahiyom nako kanunay, ug mas nadugangan ang akong gugma sa uban. Ang tanan miingon, “Nausab na ka.” Nahibalo ako nga dili kini tungod sa akong kaugalingong kusog. Pinaagi kini sa makapahimo nga gahom nga Pag-ula ni Jesukristo.

Lisod ang mahimong usa ka tawo nga imong gusto. Dili ko makasulti nga anaa na ko didto, apan naningkamot ko nga makaabot didto. Ang atong panaw unta mao ang ikauban si Jesukristo. Kita kinahanglan modapit Kaniya sa pag-uban kanato.

Victoria E., age 16, Lagos, Nigeria

Ganahan nga magdula og mga sports, magbasa, mag-awit, maghapsay sa buhok, ug magkat-on og bag-ong mga butang.