Ngaahi Leʻo ʻo e Toʻu Tupú
ʻIkai Tatau mo ha Toe Taha
Luis V., taʻu 16, Potungāue Kuatemalá, Kuatemala
Saiʻia he tā pianó mo vaʻinga Legos.
Tā Fakatātā ʻa Adam Howling
ʻOku lahi ha ngaahi ʻahiʻahi he toʻu tupu ʻo e ʻaho ní, hangē ko ha ngaahi ākenga pau, faʻahinga mītia fakasōsiale mo e mūsika ʻoku koví, lea taʻefeʻungá, mo e kava mālohí mo e faitoʻo konatapú. ʻOku ʻikai ke ʻi ai ha taumuʻa kovi ʻa hoku kaungāako ʻi he akó, ka ʻoku ʻi ai pē ʻa e ngaahi taimi ʻe niʻihi ʻoku nau fakaafeʻi ke u fai ʻa e ngaahi meʻá ni.
Naʻe pau ke u ako ke ʻoua ʻe tali e ngaahi fakaafe ko iá. ʻI he fakaʻau ke ʻiloʻi lelei ange au ʻe hoku kaungāakó, naʻa nau ʻiloʻi ʻoku ou kehe au mei he taha kotoa. Kuó u maʻu ʻenau fakaʻapaʻapá ʻaki ʻeku fakahaaʻi ange te u lava pē ʻo hoko ko ha toʻu tupu lelei taʻe-ngāue ʻaki ha lea pe ʻulungaanga kovi.
ʻI heʻetau hoko ko e toʻu tupú, kuo pau ke tau tafoki ki he Tamai Hēvaní ʻi he ʻaho kotoa pē ʻo kolea ʻEne tokoní. Kuo pau ke tau manatuʻi maʻu pē ʻa e meʻa kuo akoʻi mai kiate kitautolú. Kuo pau ke tau fakahaaʻi ko e kau mēmipa kitautolu ʻo e Siasi ʻo Sīsū Kalaisi ʻo e Kau Māʻoniʻoni ʻi he Ngaahi ʻAho Kimui Ní. ʻOku fiemaʻu ke tau tākiekina e niʻihi kehé ke nau liliu, kae ʻikai ko hono tākiekina kitautolu ʻe he niʻihi kehé. ʻE lava ʻe he meʻa ko iá ʻo fakatupulaki ʻa e māmaní.