« ’Aita e ’aimārō i ni’a i te i’oa o te ’Ēkālesia », Nō te Pūai o te Feiā ’Āpī, Novema 2021.
Tuhaʼa pureraʼa nō te avatea sābati
’Aita e ’aimārō i ni’a i te i’oa o te ’Ēkālesia
Fa’ahitira’a parau
I roto i te hō’ē uiuira’a mana’o i te 16 nō ’Ātete 2018, ’ua parau te peresideni Russell M. Nelson : « ’Ua tūra’i pāpū te Fatu i roto i tō’u ferurira’a i te parau nō te faufa’a rahi o te i’oa tāna i heheu mai nō tāna ’Ēkālesia, ’oia ho’i Te ’Ēkālesia a Iesu Mesia i te Feiā Mo’a i te mau Mahana Hope’a nei » [« The Name of the Church », 16 nō ’Ātete 2018, newsroom.ChurchofJesusChrist.org] […]
E uira’a maita’i tei hiti mai : « Nō te aha pa’i, e tau ’ahurura’a matahiti ho’i tātou i te fāri’i-noa-ra’a i te i’oa pi’i e « Momoni » ? « Te pupu hīmene nō te fare menemene mōmoni », te mau video « E mōmoni au », te hīmene Paraimere « E tamāroa mōmoni au » ?
’Aita te ha’api’ira’a tumu a te Mesia e taui ’e e mea mure ’ore. Terā rā, e heheuhia mai te mau ta’ahira’a ta’a ’ē ’e te faufa’a nō te ’ohipa a te Fa’aora i tō rātou tau mau […]
Māuruuru ia ’outou nō tā ’outou mau tauto’ora’a huru ari’i nō te tūra’ira’a i te parau nō te i’oa mau o te ’Ēkālesia […]
’Ua fa’arahi te Fatu i tā mātou tauto’ora’a e fa’a’āfaro i te mau i’oa tei tā’amu-maoro-hia i ni’a i te ’Ēkālesia […]
Tauatini ’e tauatini rahira’a feiā mo’a i te mau mahana hope’a nei tei poro itoito i te i’oa o te ’Ēkālesia. ’Ia rave tātou i tā tātou tuha’a, e pe’e ato’a mai te tahi atu mau ta’ata […]
« ’Aita e ’aimārō i ni’a i te i’oa o te ’Ēkālesia ». Haere ana’e i mua ma te fa’aro’o. ’Ua ineine tātou i te pe’e i te parau a’o a te Fatu ra, mai tei heheuhia mai nā roto i tāna peropheta ora, mai te peu iho ā rā e mea ’ē i tā tātou mana’ora’a mātāmua, ’e ’ua tītauhia te ha’eha’a ’e te fa’atusia, e ha’amaita’i ïa te Fatu ia tātou ma te mana pae vārua hau atu ’e e tono mai ’oia i tāna mau melahi nō te pāturu ia tātou ’e nō te ti’a i pīha’i iho ia tātou. E noa’a mai te parau fāri’i a te Fatu ’e tāna parau fa’ati’a.