« Te fa’aro’o nō te ani ’e i muri iho nō te ’ohipa », Nō te Pūai o te Feiā ’Āpī, Novema 2021.
Tuha’a purera’a nō te pō mahana mā’a
Te fa’aro’o nō te ani ’e i muri iho nō te ’ohipa
Fa’ahitira’a parau
’Aita i taui te fa’anahora’a nō te fāri’i i te heheura’a nō ’ō mai i te Atua ra mai ia Adamu ’e ’o Eva mai ā. Mai te reira ato’a nō te mau tāvini ato’a a te Fatu tei pi’ihia, mai mūta’a ra ē tae roa mai i tō tātou nei ’anotau. Hō’ē ā huru nō ’outou ’e nō’u. E rave-noa-hia te reira nā roto i te fa’a’ohipara’a i te fa’aro’o […]
E mau uira’a tā ’outou ’o tā ’outou e ’imi nei i te pāhonora’a. ’Ua nava’i tō ’outou fa’aro’o nō te ti’aturi ē, e fāri’i ’outou i te mau pāhonora’a nō ’ō mai i te Fatu ra nā roto mai i tōna mau tāvini. ’Aita tō ’outou e taime nō te ani ma te reo pūai i te mau pāhonora’a a te feiā a’o, e nehenehe rā tā ’outou e ani i tō ’outou Metua here nā roto i te pure.
’Ua ’ite au nā roto i te ’ohipa tā’u i rave ē, e tae mai te mau pāhonora’a ’ia au i tō ’outou mau hina’aro ’e tō ’outou fa’aineinera’a pae vārua […]
Mai te mea ’ua tāmarū tō ’outou fa’aro’o ia Iesu Mesia i tō ’outou ’ā’au maoti tāna tara’ehara, e rahi atu tō ’outou ti’ara’a ’ia fāri’i i te mau muhumuhu o te Vārua ’ei pāhonora’a i tā ’outou mau pure […]
Nā roto i tō tātou fa’aro’o ia Iesu Mesia, e arata’ihia tātou e ani i te mau pāhonora’a i te Metua, e hōro’a ato’a mai te reira fa’aro’o i te hō’ē tāmarūra’a a te Fa’aora, ’ia ti’a ia tātou ’ia fa’aro’o i tāna arata’ira’a ’e ’ia hina’aro mau ’e ’ia ’oa’oa i te ha’apa’o […]
Tē fa’a’ite pāpū nei au ē, te papa e ti’ahia nei e tātou, ’o tō tātou ïa ’itera’a pāpū ē, ’o Iesu te Mesia, ’e nāna teie ’Ēkālesia tāna iho e fa’atere nei, ’e te peresideni Russell M. Nelson, ’o tōna ïa peropheta ora i teie mahana […]
Tē pure nei au ’ia roa’a ato’a ia ’outou te reira ’itera’a pāpū.