« Te mau mea o tō’u vārua », Nō te Pūai o te Feiā ’Āpī, Novema 2021.
Tuha’a purera’a nō te avatea mahana mā’a
Te mau mea o tō’u vārua
Fa’ahitira’a parau
Pinepine te feiā ’āpī i te ui mai iā’u e aha tā’u e ti’aturi nei ’e nō te aha vau e ti’aturi ai […]
E fa’a’ite atu vau ia ’outou i te tahi mau mea o tō’u vārua ? E tano teie mau mea nō te feiā ato’a e ’imi ’ia riro ’ei mau pipi mau nā Iesu Mesia […]
’A tahi, ’a here i te Atua te Metua ’e ia Iesu Mesia tō tātou Fa’aora […]
’A piti, « e aroha atu i tō ta’ata tupu » [Mataio 22:39] […]
’A toru, ’a here ia ’oe iho.
’O teie tā te rahira’a e ’aro nei. E ’ere ānei i te mea māere, mai te huru ra ē, e mea fifi a’e ’ia here iāna iho i te here ia vetahi ’ē ? ’Ua parau ho’i te Fatu ē, « ’ia aroha atu i tō ta’ata tupu, mai tō aroha ia ’oe iho na » [Mataio 22:39]. Tē ha’afaufa’a nei ’oia i te huru hanahana i roto ia tātou, ’e e ti’a ’ia nā reira ato’a tātou. ’Ia teimaha ana’e tātou i te mau hapehape, te ’oto, te mana’o nava’i ’ore, te ’ino’ino, te riri ’aore rā te hara, ’ua riro te tusia tāra’ehara a te Fa’aora, nā roto i te ’ōpuara’a hanahana, ’ei hō’ē o te mau mea e fa’ateitei i te vārua.
’A maha, ’a ha’apa’o i te mau fa’auera’a […]
’A pae, ’ia vai ti’amā noa nō te haere i te hiero […]
’A ono, ’ia ’oa’oa ’e ’ia ’ārearea […]
’A hitu, ’a pe’e i te peropheta ora o te Atua.
’O te hitu paha teie i ni’a i tā’u tāpura o te mau mea, tei te ti’ara’a mātāmua rā te reira i roto i tō’u ferurira’a nō ni’a i tōna faufa’a i teie mahana.
E peropheta nō te Atua tō tātou i ni’a i te fenua nei i teie mahana ! ’Eiaha roa atu e tāu’a ’ore i te aura’a o te reira nō ’outou […]
Tē ani nei au ia ’outou ’ia ’imi i tā ’outou iho va’u, iva ’e te ’ahuru. ’A feruri i te mau rāve’a e ti’a ai ia ’outou ’ia fa’a’ite i tā ’outou « mau mea » parauti’a ia vetahi ’ē ’e ’a fa’aitoito ia rātou ’ia pure, ’ia feruri hōhonu ’e ’ia ’imi i te arata’ira’a a te Fatu.