« ’A ani i te Mesia ’ia riro ’ei Tumu nō tō ’outou ’ā’amu » Nō te Pūai o te Feiā ’Āpī, Novema 2021.
Tuha’a purera’a nō te po’ipo’i sābati
’A ani i te Mesia ’ia riro ’ei Tumu nō tō ’outou ’ā’amu
Fa’ahitira’a parau
Tē fa’a’ite pāpū nei au ē, ’o te Fa’aora « te tumu ’e te fa’aoti o tō tātou fa’aro’o » [Hebera 12:2]. E ani ānei ’outou iāna ’ia riro ’ei tumu ’e ’ei fa’aoti nō tō ’outou ’ā’amu ? […]
E parau mau nā te parau tumu teitei nō te ti’amāra’a ’ia mā’iti e vaiiho nā tātou iho e pāpa’i i tō tātou ’ā’amu—e nehenehe tā Dāvida e ho’i i te fare ’e e ha’apa’o fa’ahou i te mau māmoe. Terā rā, tē ti’a ineine nei Iesu Mesia nō te fa’a’ohipa ia tātou ’ei mauha’a hanahana, ’ei pēni tara i fa’a’oe’oehia i roto i tōna rima nō te pāpa’i i te hō’ē mea fa’ahiahia roa ! […]
Terā rā, te vaiihora’a i te Atua ’ia upo’oti’a, ma te vaiiho iāna ’ia riro ’ei tumu ’e ’ei fa’aoti nō tō tātou ’ā’amu, e tītau ïa te reira ia tātou ’ia ha’apa’o i tāna mau fa’auera’a ’e i te mau fāfaura’a tā tatou i rave. Nā roto i te ha’apa’ora’a i te mau fa’auera’a ’e tā tātou mau fāfaura’a e ha’amatara i te rēni tūreia e fāri’i ai tātou i te heheura’a nā roto mai i te Vārua Maita’i. ’E e mea nā roto i te mau fa’a’itera’a a te Vārua Maita’i tātou e ’ite ai i te rima o te Fatu i te pāpa’ira’a i tō tātou ’ā’amu ’e ’o tātou […]
Nō te aha tātou e hina’aro ai i te Fa’aora ’ia riro ’ei tumu ’e ’ei fa’aoti nō tō tātou ’ā’amu ? Nō te mea ’ua ’ite maita’i ’oia i tō tātou fāito pūai, e tu’u ’oia ia tātou i te mau vāhi e māerehia tātou. E nehenehe ’oia e fa’ariro ia tātou ’ei Davida ’e ’aore rā ’ei Esetera. E tarai ’e e ha’amaita’i ’oia ia tātou ’ia riro mai mai iāna ra te huru. Te mau mea ’o tā tātou e fa’aoti ’a ’ohipa ai ma te fa’aro’o rahi a’e, e ha’apūai ïa i tō tātou fa’aro’o ia Iesu Mesia ra […]
E ha’avāhia tātou e tā tātou buka nō te ora. E nehenehe tātou e mā’iti i te pāpa’i i te hō’ē nīno’a parau ’ōhie nō tātou iho. ’E ’aore rā, e nehenehe tātou e vaiiho i te Fatu Tumu ’e te Fa’aoti ’ia pāpa’i ’e ’o tātou i tō tātou ’ā’amu ma te vaiiho i te ti’ara’a ’o tāna e hina’aro ia tātou ’ia ha’uti ’ia nā ni’a atu i tā tātou mau tītaura’a ’e’ē.
’A vaiiho i te Mesia ’ia riro ’ei tumu ’e ’ei fa’aoti nō tō ’outou ’ā’amu !