« ’Ōhie te nehenehe—Nehenehe te ’ōhie », Nō te Pūai o te Feiā ’Āpī, Novema 2021.
Tuha’a purera’a nō te avatea mahana mā’a
’Ōhie te nehenehe—Nehenehe te ’ōhie
Fa’ahitira’a parau
Nō te fāri’i i te ora mure ’ore, e mea ti’a roa ’ia « haere mai i te Mesia, ’e ’ia maita’i roa [tātou] iāna » [Moroni 10:32]. ’A haere mai ai tātou i te Mesia ’e ’a tauturu ai ia vetahi ’ē ’ia nā reira ato’a, tē ’āmui ra ïa tātou i roto i te ’ohipa nō te fa’aorara’a ’e te fa’ateiteira’a a te Atua, ’o tē rōtahi nei i ni’a i te mau hōpoi’a tei tu’uhia mai e tō te ra’i. ’Ua tū’ati teie mau hōpoi’a hanahana ’e te mau tāviri nō te autahu’ara’a tei fa’aho’ihia mai e Mose, e Elia ’e e Eliaha, mai tei pāpa’ihia i roto i te tuha’a 110 nō Te Ha’api’ira’a Tumu ’e te mau Fafaura’a, ’e te fa’auera’a rahi piti tei hōro’ahia mai e Iesu Mesia ’ia here i tō tātou ta’ata tupu mai ia tātou nei. E ’itehia te reira i ni’a i nā ’api mātāmua e piti o te Buka arata’i rahi, āpī, tei matara i te tā’āto’ara’a o te mau melo […]
-
Te orara’a i te ’evanelia a Iesu Mesia
-
Te ha’apa’ora’a i te feiā nava’i ’ore
-
Te anira’a i te mau ta’ata ato’a ’ia fāri’i i te ’evanelia
-
Te tāhō’ēra’a i te mau ’utuāfare nō te tau a muri atu
E nehenehe ’outou e hi’o i te reira mai iā’u nei : mai te hō’ē hōho’a fenua nō te mau purūmu ho’ira’a i tō tātou Metua here i te ao ra […]
’Ua parauhia ē e mea ’ōhie te nehenehe ’e e mea nehenehe te ’ōhie o te ’evanelia a Iesu Mesia. » E ’ere te ao mai te reira. E mea rave ’atā, e mea ’ātitirau ’e ’ua rahi roa te ’ārepurepura’a ’e te mārō. E ha’amaita’ihia tātou ’ia hi’o maita’i ana’e ’eiaha te ’ātitirau tei ’ite-rahi-hia i roto i te ao nei, ’ia fa’aō mai i roto i te huru tātou e fāri’i ’e e rave i te ’evanelia […]
E mea ti’a ia tātou pā’āto’a ’ia tūtava i te fa’a’ōhie noa i te ’evanelia—i roto i tō tātou orara’a, i roto i tō tātou mau ’utuāfare, i roto i tō tātou mau piha tamāhine ’e mau pupu autahu’ara’a, ’e i roto i tā tātou mau pāroita ’e mau titi.