« កំណត់ចំណាំសន្និសីទ » ទស្សនាវដ្តី ប្រិយមិត្ត ខែ វិច្ឆិកា ឆ្នាំ ២០២៣ ទំព័រ ៥ ។
កំណត់ចំណាំសន្និសីទ
ជំនួយមកពីព្រះវិញ្ញាណបរិសុទ្ធ
ប្រធាន អាវរិង បានមានប្រសាសន៍ថា លោកទទួលបានអារម្មណ៍នូវការលើកទឹកចិត្ត នៅពេលដែលលោកអានដំណើររឿងរបស់នីហ្វៃយកផ្ទាំងលង្ហិនពីឡាបាន់ ។ នីហ្វៃ មិនបានដឹងច្បាស់ពីអ្វីដែលត្រូវធ្វើនោះទេ ប៉ុន្តែលោកត្រូវបានដឹកនាំដោយព្រះវិញ្ញាណបរិសុទ្ធគ្រប់ពេលវេលា ។ នៅពេលដែលព្រះអម្ចាស់សុំឲ្យយើងធ្វើអ្វីមួយដែលពិបាក នោះព្រះវិញ្ញាណបរិសុទ្ធនឹងជួយដល់យើងផងដែរ ។
ការណ៍នេះបង្រៀនខ្ញុំ ៖
សូមចងចាំថាបងប្អូនគឺជានរណា
អែលឌើរ ស្ទីវ៉ែនសុន បានអញ្ជើញយើងឲ្យឈប់រាល់ពេលដែលយើងមើលខ្លួនយើងនៅក្នុងកញ្ចក់ ហើយនិយាយថា « មើលខ្ញុំចុះ ! ខ្ញុំអស្ចារ្យណាស់ ! ខ្ញុំជាកូនរបស់ព្រះ ! ទ្រង់ស្គាល់ខ្ញុំ ! ទ្រង់ស្រឡាញ់ខ្ញុំ ! » ការធ្វើបែបនេះនឹងជួយយើងឲ្យចងចាំថា យើងពិតជានរណា និងរបៀបដែលព្រះ និងព្រះវិញ្ញាណបរិសុទ្ធអាចជួយយើងបាន ។
ការណ៍នេះបង្រៀនខ្ញុំ ៖
សេចក្ដីជំនឿលើព្រះយេស៊ូវគ្រីស្ទ
អែលឌើរ ខូស្តា បានចែកចាយដំណើររឿងអំពីពេលដែលព្រះយេស៊ូវគ្រីស្ទបានធ្វើឲ្យព្យុះស្ងប់ ។ យើងទាំងអស់គ្នាមានព្យុះ ឬឧបសគ្គនានានៅក្នុងជីវិតដែលពិបាកខ្លាំង ។ ប៉ុន្តែយើងនឹងមិនត្រូវប្រឈមមុខនឹងរឿងទាំងនោះតែម្នាក់ឯងឡើយ ។ ការមានសេចក្ដីជំនឿលើព្រះយេស៊ូវគ្រីស្ទនឹងផ្ដល់អំណាច និងសេចក្ដីសុខសាន្តដល់យើង នៅពេលយើងត្រូវប្រឈមមុខនឹងព្យុះណាមួយ ។
ការណ៍នេះបង្រៀនខ្ញុំ ៖
ដើរលើផ្លូវជាមួយនឹងទ្រង់
ប្រធាន ហ្វ្រីមែន បានប្រាប់ដំណើររឿងមួយអំពីពេលដែលគាត់ចង់ដើរលើផ្លូវពិសេសមួយ ទោះបីជាក‑ជើងរបស់គាត់រងរបួសក៏ដោយ ។ គាត់មិនអាចដើរតាមផ្លូវនោះដោយខ្លួនឯងបានទេ ដូច្នេះអ្នកនាំផ្លូវម្នាក់បានជួយដល់គាត់ ។ ដូចជាអ្នកនាំផ្លូវរបស់ប្រធាន ហ្វ្រីមែន ដែរ ព្រះយេស៊ូវគ្រីស្ទនឹងជួយយើងជាមួយនឹងឧបសគ្គណាមួយ នៅពេលយើងព្យាយាមរក្សាសេចក្ដីសញ្ញារបស់យើង ។
ការណ៍នេះបង្រៀនខ្ញុំ ៖
រូបភាពរចនាដោយ ចស ថាលបិត