« ផ្លែដូង និង ដង្វាយមួយភាគក្នុងដប់ » ប្រិយមិត្ត ខែ វិច្ឆិកា ឆ្នាំ ២០២៣ ទំព័រ ៨–៩ ។
សំណេរដោយអ្នក
ផ្លែដូង និង ដង្វាយមួយភាគក្នុងដប់
ជម្រាបសួរ ! ខ្ញុំឈ្មោះ អាវ៉ាហេ ។ ខ្ញុំរស់នៅក្នុងប្រទេសតាហ៊ីទី ! នៅលើកោះរបស់ខ្ញុំ ខ្ញុំចូលចិត្តលេងនៅក្រៅផ្ទះ ។ ខ្ញុំទៅឡើងភ្នំ និងទៅហែលទឹកក្នុងទន្លេ ឬសមុទ្រ ។ ខ្ញុំក៏រីករាយក្នុងការធ្វើអ្វីៗជាមួយក្រុមគ្រួសាររបស់ខ្ញុំផងដែរ ។ ខ្ញុំ្ចូលចិត្តធ្វើម្ហូបអាហារ លេងហ្គេមកាត និងឡើងភ្នំ ។ ខ្ញុំចូលចិត្តលេងបាល់ និងឡើងដើមឈើជាមួយបងប្រុស និងបងប្អូនជីដូនមួយរបស់ខ្ញុំ ។
អំឡុងវិស្សមកាលរដូវក្ដៅ ខ្ញុំធ្វើការជាមួយបងប្រុសរបស់ខ្ញុំនៅក្នុងចម្ការដូង ។ យើងប្រមូលផ្លែដូង ហើយដាក់ក្នុងគំនរដ៏ធំមួយ ។ យើងក៏ប្រមូលស្លឹកងាប់ៗ ដើម្បីឲ្យចម្ការស្អាតផងដែរ ។
ជីតាទួតរបស់យើងឲ្យប្រាក់មកយើងនៅពេលយើងធ្វើការនៅក្នុងចម្ការ ។ ខ្ញុំតែងតែបង់ដង្វាយមួយភាគក្នុងដប់ជាមួយប្រាក់ដែលខ្ញុំទទួលបានជានិច្ច ។ ខ្ញុំបានរៀនពីគ្រួសាររបស់ខ្ញុំ និងគ្រូថ្នាក់កុមារអំពីរបៀបបង់ដង្វាយមួយភាគក្នុងដប់ ។
ខ្ញុំបង់ដង្វាយមួយភាគក្នុងដប់ពីព្រោះខ្ញុំដឹងថា ក្រុមគ្រួសាររបស់ខ្ញុំ និងខ្ញុំទទួលពរជ័យនៅពេលយើងគោរពតាម ។ ខ្ញុំត្រូវបានប្រទានពរឲ្យមានក្រុមគ្រួសារ ផ្ទះ និងពិភពលោកដ៏ស្រស់ស្អាតនៅជុំវិញខ្ញុំ ។
ខ្ញុំដឹងថា ព្រះមានព្រះជន្មរស់ ហើយថាទ្រង់ស្រឡាញ់ខ្ញុំ ។ ខ្ញុំអរគុណព្រះវរបិតាសួគ៌សម្រាប់ក្រុមគ្រួសារដែលទ្រង់បានប្រទានឲ្យខ្ញុំ ។