« សកម្មភាពចូរមកតាមខ្ញុំ » ប្រិយមិត្ត ខែ វិច្ឆិកា ឆ្នាំ ២០២៣ ទំព័រ ១០–១១ ។
សកម្មភាព ចូរមកតាមខ្ញុំ
សម្រាប់រាត្រីជួបជុំក្រុមគ្រួសារ ឬការសិក្សាព្រះគម្ពីរ—ឬគ្រាន់តែសម្រាប់ភាពរីករាយ !
ព្រះយេស៊ូវគ្រីស្ទគឺជាមគ្គុទ្ទេសក៍របស់យើង
សម្រាប់ ហេព្រើរ ១–៦
រចនារូបភាពដោយ ខាធី ដុកគ្រីល
ដំណើររឿង ៖ ព្រះយេស៊ូវគ្រីស្ទជា« មេនៃសេចក្ដីសង្គ្រោះ[ របស់យើង ] » ( ហេព្រើរ ២:១០ ) ។ កាប់ពីទែនកប៉ាល់នៅលើសមុទ្រ ។ ព្រះយេស៊ូវក៏អាចដឹកនាំយើងទៅស្ថានសួគ៌ ដូច្នេះយើងអាចរស់នៅជាមួយទ្រង់នៅថ្ងៃណាមួយ !
ចម្រៀង ៖ « ខ្ញុំត្រូវការទ្រង់ជានិច្ច » ( ទំនុកតម្កើងល.រ ៤៧ ) ។
សកម្មភាព ៖ សូមគូររូបទូកនៅលើរលក ។ បន្ទាប់មក សូមសរសេរ ឬនិយាយអំពីរបៀបដែលអ្នកអាចដើរតាមព្រះយេស៊ូវគ្រីស្ទ ។ តើទ្រង់ដឹកនាំអ្នកនៅក្នុងជីវិតរបស់អ្នកដោយរបៀបណា ?
វីរបុរសនៃសេចក្តីជំនឿ
សម្រាប់ ហេព្រើរ ៧–១៣
ដំណើររឿង ៖ ព្រះគម្ពីរនិយាយថា សេចក្ដីជំនឿមានន័យថាការជឿទៅលើអ្វីៗដែលអ្នកមើលមិនឃើញ ( សូមមើល ហេព្រើរ ១១:១ ) ។ ហេព្រើរ ១១ ប្រាប់ដំណើររឿងរបស់មនុស្សជាច្រើនដែលបានមានសេចក្ដីជំនឿ ។ ការមានសេចក្ដីជំនឿលើព្រះយេស៊ូវគ្រីស្ទផ្ដល់ឲ្យយើងនូវភាពសុខសាន្ត និងភាពក្លាហាន ។
ចម្រៀង ៖ « ជំនឿ » ( សៀវភៅចម្រៀងកុមារ ទំព័រ ៥០ ) ។
សកម្មភាព ៖ ចែកវេនគ្នាជ្រើសរើសវីរបុរសក្នុងព្រះគម្ពីរនៅក្នុង ហេព្រើរ ១១ ។ អ្នកដទៃទៀតសួរសំណួរដើម្បីទាយពីវីវបុរសនោះ ។ តើអ្នកអាចមានសេចក្ដីជំនឿដូចប្រជាជននៅក្នុងព្រះគម្ពីរដោយរបៀបណា ?
សកម្មភាពដើរអូសជើង
សម្រាប់យ៉ាកុប
ដំណើររឿង ៖ សាវកយ៉ាកុបបានបង្រៀនថា យើងគួរតែជួយដល់អ្នកដែលត្រូវការជំនួយ ( សូមមើល យ៉ាកុប ១:២៧ ) ។ តើនរណាត្រូវការជំនួយរបស់អ្នក ?
ចម្រៀង ៖ « ពេលយើងជួយ » ( សៀវភៅចម្រៀងកុមារ ទំព័រ ១០៨ ) ។
សកម្មភាព ៖ តោះប្រកួតគ្នា ! កំណត់ចំណុចចាប់ផ្តើម និងចំណុចបញ្ចប់ ។ បន្ទាប់មក ផ្លាស់ទីទៅចំណុចបញ្ចប់ដោយអូសជើងទៅមុខដោយមិនលើកជើងឡើង ។ អ្នកឈ្នះការប្រកួតជ្រើសរើសសកម្មភាពបម្រើសាមញ្ញមួយឲ្យក្រុមធ្វើ ដូចជាការផ្ញើសារល្អទៅកាន់នរណាម្នាក់ ឬសួរសុខទុក្ខនរណាម្នាក់ដែលឯកា ។
ជំនួយសម្រាប់បុព្វការីជនរបស់យើង
សម្រាប់ពេត្រុស ទី១ និង ទី២
ដំណើររឿង ៖ បុព្វការីជនរបស់យើងអាចរៀនដំណឹងល្អ បន្ទាប់ពីពួកលោកទទួលមរណៈភាពបាន ( សូមមើល ពេត្រុស ទី ១ ៤:៦ ) ។ នៅក្នុងព្រះវិហារបរិសុទ្ធយើងអាចធ្វើពិធីបុណ្យជ្រមុជទឹកសម្រាប់ពួកលោក ហើយជួយពួកលោកដើរតាមព្រះយេស៊ូវគ្រីស្ទបាន !
ចម្រៀង ៖ « ខ្ញុំកំពុងធ្វើ—ពង្សប្រវត្តិ » ( សៀវភៅចម្រៀងកុមារ ទំព័រ ១០០ ) ។
សកម្មភាព ៖ ប្រើប្រដាប់ផ្គុំ ឬដុំស្ករសដើម្បីសង់ព្រះវិហារបរិសុទ្ធ ។ តើអ្នកអាចរៀបចំខ្លួនយ៉ាងដូចម្តេច ដើម្បីចូលព្រះវិហារបរិសុទ្ធ ?
ការផ្តល់សេចក្ដីស្រឡាញ់
សម្រាប់យ៉ូហាន ទី១–ទី៣; យូដាស
ដំណើររឿង ៖ ព្រះវរបិតាសួគ៌ស្រឡាញ់យើងទាំងអស់គ្នា ! សាវកយ៉ូហានបានបង្រៀនយើងឲ្យស្រលាញ់មនុស្សដទៃផងដែរ ( សូមមើល យ៉ូហាន ទី១ ៤:១៩, ២១ ) ។ តើអ្នកអាចបង្ហាញសេចក្តីស្រឡាញ់ចំពោះមនុស្សដទៃដោយរបៀបណា ?
ចម្រៀង ៖ « ទីក្ដីស្នេហ៍ » ( សៀវភៅចម្រៀងកុមារទំព័រ ៧៦ ) ។
សកម្មភាព ៖ បើកទៅ ទំព័រ ១២ ដើម្បីធ្វើសិប្បកម្មរូបបេះដូង ។ បន្ទាប់មក សូមចែករំលែកបេះដូងទៅកាន់មនុស្សដែលអ្នកស្រឡាញ់ !