1 Ā, ka ngā rā katoa o Enoka, arā, ko te whā rau toru tekau tau.

2 Ā, i pahawa ake, nā, kīhai i tangohia ake a Matutaera, te tama a Enoka, kia whakatutukihia ngā kawenata a te Ariki, i meatia ai ki a Enoka; nā te mea he pono tana kawenata ki a Enoka e mea ana ko Noa te hua nō tōna hope.

3 Ā, i pahawa ake, nā, ka poropititia e Matutaera, nā, ka whakanake ake i tōna hope ngā kīngitanga katoa o te whenua (mā roto i a Noa), ā, i whakakorōriatia ia anō.

4 Ā, i reira puta mai ai tētahi matekai nui i te whenua, ā, i kangaia te whenua e te Ariki ki tētahi kanga kino, ā, i mate ngā tāngata tokomaha i reira.

5 Ā, i pahawa ake, nā, ka ora a Matutaera kia kotahi rau waru tekau mā whitu ngā tau, ā, ka whānau mai tāna ko Rāmeka;

6 Ā, ka ora a Matutaera, whai muri i te whānautanga mai o Rāmeka, arā, neke atu i te whitu rau waru tekau mā rua tau, ā, ka whānau mai ngā tama tokomaha me ngā tamāhine tokomaha;

7 Ā, kua neke atu i te iwa rau ono tekau mā iwa ngā tau katoa o Matutaera, kātahi ia ka mate.

8 Ā, neke atu i te kotahi rau waru tekau mā rua ngā tau i ora ai a Rāmeka, kātahi ka whānau mai tāna i tētahi tama,

9 Ā, ka huaina ko Noa tōna ingoa, e mea ana: Mā tēnei tama tātou e whakaāio i te taha ki ā tātou mahi me ngā mahinga o ō tātou ringaringa, nā te whenua i kangaia ai e te Ariki.

10 Ā, neke atu i te rima rau iwa tekau mā rima tau i ora ai a Rāmeka whai muri iho i te whānautanga mai o Noa, ā, ka whānau mai ngā tama tokomaha me ngā tamāhine tokomaha;

11 Ā, neke atu i te whitu rau whitu tekau mā whitu ngā tau i ora ai a Rāmeka, kātahi ia ka mate.

12 Ā, ka whā rau rima tekau te pakeke o Noa, kātahi ka whānau mai a Iapeta; ā, e whā tekau mā rua tau i muri iho ka whānau mai a Hema i te whaea anō o Iapeta, ā, i te wā kua rima rau tau tana pakeke ka whānau mai ko Hama.

13 Ā, i whakarongo a Noa rātou ko ana tama ki te Ariki, ā, ka aro atu, ā, ka karangatia rātou ko ngā tama a te Atua.

14 Ā, i te wā i tīmata ēnei kia tini, kia kapi i te mata o te whenua, ā, ka whānau mai he tamāhine mā rātou, ka kite aua tama a te tangata he ātaahua aua tamāhine, ā, ka moea hei hoawahine mā rātou, he rite ki tā rātou i pai ai.

15 Ā, ka mea mai te Ariki ki a Noa: Kua hoko ngā tamāhine a ō tama i a rātou anō; nā te mea kua muramura tōku riri ki ngā tama a te tangata, nā te mea e kore rawa rātou e whakarongo mai ki tōku reo.

16 Ā, i pahawa ake, nā, ka poropiti a Noa, ā, ka whakaakona ngā mea o te Atua, pērā i ngā mea i te tīmatanga.

17 Ā, ka mea atu te Ariki ki a Noa: E kore tōku Wairua e tohe tonu ki te tangata, nā te mea ka mōhio ia, nā, ka mate ngā kikokiko katoa; heoi neke atu i te kotahi rau rua tekau ōna rā; ā, ki te kore ngā tāngata e rīpenetā, māku ngā waipuke i tuku atu ki a rātou.

18 Ā, i aua rā i reira ngā tāngata kaitā rawa atu i runga i te whenua, ā, i whai rātou ki te whakamate i a Noa; engari i te piri tonu te Ariki ki a Noa, ā, i runga i a ia te mana o te Ariki.

19 Ā, i whakamanaia a Noa e te Ariki i runga i tōna ake ritenga, ā, i whakahaua ia kia haere atu ki te whakapuaki i tana Rongopai ki ngā tamariki a te tangata, pērā i te mea i hoatu ai ki a Enoka.

20 Ā, i pahawa ake, nā, ka karanga a Noa ki ngā tamariki a te tangata kia rīpenetā rātou; engari kīhai rātou i whakarongo ki ana kupu;

21 Waihoki, whai muri iho i tā rātou rongo i a ia, ka haere mai rātou ki tōna aroaro, e mea ana: Nana, ko mā tou ngā tama a te Atua; kāore rānei mātou i moe i ngā tamāhine a te tangata? Ā, kāore rānei mātou i te kai me te inu, me te mārena, me te tuku kia mārenatia? Ā, ka whakawhānau mai ā mātou hoa wahine i ngā tamariki, ā, he tangata mārohirohi ēnei, e rite ana ki ngā tāngata onamata, he tangata rongonui. Ā, kīhai i whakarongo ki ngā kupu a Noa.

22 Ā, i kite te Atua, nā, kua nui haere te whakarihariha o te tangata i te whenua; ā, i kake ake ngā tāngata katoa i ngā whakaaro auaha o tōna ngākau, e kino tonu ana anake.

23 Ā, i pahawa ake, nā, ka hono tonu tā Noa kauhautanga ki te iwi, e mea ana: Whakarongo mai, ā, kia aro mai ki aku kupu;

24 Whakapono, ā, rīpenetā i ō koutou hara, ā, kia rumakina i runga i te ingoa o Ihu Karaiti, te Tama a te Atua, pērā pū anō i ō tātou tūpuna, kātahi koutou ka whiwhi ki te Wairua Tapu, kia whakakitea mai ngā mea katoa ki a koutou; ā, ki te kore koutou e pēnei, ka tau iho ngā waipuke ki runga ki a koutou; hei aha koa kīhai rātou i whakarongo.

25 Ā, ka pōuri a Noa, ā, i mamae tōna ngākau mō te Ariki i hanga i te tangata ki runga i te whenua, ā, i pōuri tōna ngākau.

26 Ā, ka mea mai te Ariki: Māku e whakangaro te tangata nāku noa nei i hanga, mai i te mata o te whenua, tangata mai, kararehe mai, me ngā mea ngōki, me ngā manu o te rangi; nā te mea e pōuri ana a Noa mōku aua mea i hanga, mōku hoki aua mea i hanga; ā, kua karanga mai ia ki ahau; nā te mea kua whai rātou kia whakamatea ia.

27 Ā pēnei whai aroha a Noa i ngā karu o te Ariki; nā te mea he tangata tika a Noa, ā, he hē kore i tōna whakatipuranga; ā, i hīkoi tahi ia me te Atua, pērā i ana tama tokotoru, a Hema, a Hama me Iapeta.

28 I pokea te whenua i te aroaro o te Atua, ā, kī tonu ana i te patu tangata.

29 Ā, ka titiro te Atua ki runga i te whenua, ā, nana, kua pokea, nā te mea kua pokea ngā kikokiko katoa i tōna huarahi i runga i te whenua.

30 Ā, ka kī ake te Atua ki a Noa: Kua haere mai ngā kikokiko katoa ki tōku aroaro, nā te mea kua kī te whenua i te riri, ā nana, māku ngā kikokiko katoa e whakangaro i te whenua.