¶ 1 Oku ke ilo ae feituulaa oku fanau‘i ai ae faga koji kaivao oe maka? be oku ke faa fakailoga oka fanau‘i ae faga hainiti?

2 Oku ke faa lau ki he kakato o ho nau gaahi mahina? be oku ke ilo ae feituulaa oku nau faele ai?

3 Oku nau fakamabelu akinautolu, oku nau faele‘i ho nau uhiki, oku nau li kitua e nau gaahi mamahi.

4 Oku matamata lelei ho nau uhiki, oku nau tubu hake i he toafa; oku nau alu atu, bea ikai toe ha‘u kiate kinautolu.

5 Kohai kuo ne fekau atu tauataina ae asi kaivao? be kohai kuo ne vete ae gaahi ha‘i oe asi kaivao?

6 Aia kuou tuutuuni ae toafa ko hono fale oona, moe fonua lala ko hono gaahi nofoaga.

7 Oku manuki ia ki he toko lahi oe kolo, bea oku ikai te ne tokaga ki he kalaga oe tauhi.

8 Ko hono kaiaga koe gaahi mouga ataatā, bea oku ne kumi ae mea mata kotoabe.

9 E fie tauhi kiate koe ae liimi, be nofo ofi ki hoo aiagakai?

10 Oku ke faa nonoo ae liimi aki hono nootaki i he keli? be te ne muimui iate koe ke fakatoka lelei ae gaahi luo?

11 Te ke falala ki ai, koeuhi oku lahi a hono malohi? be te ke tuku hoo gaue kiate ia?

12 Te ke tui kiate ia, te ne fetuku ki abi hoo gaahi fua, o tanaki ia ki ho feleoko?

13 Koe kabakau oe ositaliji ke kabakaba: ka oku buna hake ae sitoaki moe falekoni.

14 Vakai, oku ne fakato hono gaahi fua i he kelekele, o ne fakamafana ia i he efu,

15 Bea galo iate ia e laiki nai ia e he va‘e, be maumau‘i ia e he manu kaivao.

16 Kuo fakafefeka ene aga ki hono fagaga o hage oku ikai aana akinautolu: oku tae aoga ene gaue tae manavahe;

17 Koeuhi kuo fakamajiva‘i ia e he Otua i he boto, bea nae ikai te ne tuku kiate ioa ae faa ilo.

18 Koe feituulaa koia te ne tuu hake ki oluga, oku ne manuki‘i ae hosi mo ia oku heka ai.

19 Naa ke tuku ekoe ae malohi ki he hose? naa ke fakakofu aki hono kia ae mana?

20 Oku ke faa fakamanavahe‘i ia o hage koe hee? koe mānavalahi o hono ihu oku fakailifia.

21 Oku kenukenu ia i he vahaa mouga, bea fiefia i he malohi: oku alu atu ia ke fakafetaulaki ki he kau tagata oku too mahafu tau.

22 Oku ne manuki ki he manavahe, bea oku ikai ilifia ia; be foki kimui mei he heleta.

23 Oku gatata ae tagakaho kiate ia, ae tao gigila bea moe fakaū.

24 Oku ne folohifo ae kelekele i he feiga moe lili: bea oku ikai te ne tui koe le‘o ia oe mea lea.

25 Oku behe eia i he lotolotoga oe gaahi mea lea, He, he; bea nanamu ki he tau i he kei mamao, koe mana oe kau taki tau, moe nau mavava.

26 Oku buna ae falekoni i hoo boto, o mafao atu hono kabakau ki he feituu toga?

27 Oku buna hake ae ikale ko hoo fekau, o ne gaohi hono bunuga i oluga?

28 Oku nofo ia o tatali i he maka, i he maka hagatamaki, moe botu malohi.

29 Oku kumi mei ai ene mea kai, bea oku jio hono mata mei he mamao.

30 Oku mimiji hake foki e hono uhiki ae toto: bea koe botu koia oku i ai ae mate, oku i ai ia.