¶ 1 KOE tagata kuo fanau‘i e he fefine oku jii be hono gaahi aho, bea fonu i he mamahi.

2 Oku tubu hake ia o hage koe fiji‘i akau, bea tuuji hifo: oku buna foki ia o hage koe ata, o ikai nofo mau.

3 Bea oku ke fofoga a ki ha taha behe, mo ke omi au ke fakamāu mo koe?

4 Kohai te ne faa omi ae maa mei he taemaa? ikai ha taha.

5 He kuo tuku bau hono gaahi, aho koe lau o hono gaahi mahina oku iate koe, kuo ke tuutuuni hono fakagatagata e ikai te ne tolo‘i;

6 Afe atu meiate ia, ka ne mālōlō, kae oua ke ne fakakakato hono aho o hage ha gaue uga.

7 He oku amanaki ki he akau, o kabau e ta hifo ia, ki he ene toe tubu hake, bea e ikai oji hono huli oia.

8 Ne ogo ae fekaaau ke motua hono aka i he kelekele, bea mate hono jino i he efu;

9 Ka i he nanamu oe vai e toe tubu ia, o tubu ai ae gaahi vaa o hage ha akau.

10 Ka oku mate be ae tagata, o fakaaau ke oji: io, oku fonoga ae tagata, bea kofaa ia?

11 O hage oku mole ae gaahi vai mei he tahi, bea matuu o momoa ae gaahi vaitafe:

12 Oku behe oku tokoto hifo ae tagata, bea ikai toetuu: e ikai te nau a be tuu mei he e nau mohe, kae oua ke mole ae gaahi lagi.

13 Taumaiā te ke fufu au i he faitoka, o ke fakafufu au, kae oua ke mole atu ho houhau, mo ke kotofa hoku aho, o manatu‘i au.

14 Kabau e mate ae tagata, e toe moui ia? koe gaahi aho kotoabe kuo kotofa kiate au teu tatali ai, kae oua ke hoko hoku liliu.

15 Te ke ui, bea teu talia koe: he te ke holi ki he gaue a ho nima.

16 Ka koeni, kuo ke lau eku gaahi laka: ikai oku ke vakai ki he eku agahala?

17 Kuo fakamau eku kovi i ha tagai, bea oku ke tuitui ai eku hia.

18 O Hage oku fakaaau o gata ae mouga kuo to, bea oku hiki ae fuu maka mei hono botu.

19 O hage oku holo e he vai ae gaahi maka: bea tafea o mole ae gaahi mea oku tubu i he kelekele oe fonua; oku behe hoo fakaauha ae amanaki ae tagata.

20 Oku ke malohi mau ai be kiate ia, bea oku mole ia: oku ke liliu hono mata mo ke fekau ia ke alu.

21 Oku hoko o ogoogo hono gaahi foha, ka oku ikai te ne ilo; bea oku fakavaivai hifo akinautolu, ka oku ikai te ne mamata ai.

22 Ka ko hono kakano oku iate ia e laga, bea e mamahi mo hono laumalie i loto iate ia.