¶ 1 KOE mooni oku ai ae halaga ki he siliva, moe botu ki he koula oku fakamaa e he kakai.

2 Oku too ae aione mei he kelekele, bea oku haka ae balasa mei he maka.

3 Oku ne fakagata ae fakabouli, bea ne kumi ki hono gataaga: koe gaahi maka oe bouli moe ata oe mate.

4 Oku oho mai ae vai mei he botu oku i ai ae kakai; ne galo ia i he kau va‘e: kuo matuu hake ia, o mole atu mei he kakai.

5 Oku tubu ae ma mei he kelekele: bea oku fulihi i lalo ia o hage koe afi.

6 Ko hono gaahi maka koe botu ia oe gaahi safaia: bea oku i ai ae efu koula.

7 Koe hala eni oku ikai ilo‘i e he manu buna, bea kuo ikai mamata ki ai ae mata oe vulita.

8 Nae ikai moloki ia e he fagaga oe laione, be alu i ai ae laione fekai.

9 Oku ne ai hono nima ki he maka; oku taaki fuu hake eia ae gaahi mouga.

10 Oku ne matofa ae gaahi tafeaga vai i he gaahi maka; bea oku mamata a hono mata ki he mea mahuiga kotoabe.

11 Oku ne nonoo ae gaahi vai ke oua naa malofa ia; bea koia nae fufu oku ne omi ki he māma.

12 Ka e ilo kife ae boto? bea komaa ia ae botu oe ilo?

13 Ko hono mahuiga oia oku ikai ilo e he tagata; bea oku ikai ilo ia i he fonua oe moui.

14 Oku behe e he loloto, Oku ikai iate au ia: oku behe moe tahi, Oku ikai iate au.

15 E ikai faa ma‘u ia aki ae koula, bea e ikai fakamamafa ae siliva mo hono totogi oona.

16 E ikai fakatau aki ia ae koula o Ofeli, be koe oniki mahuiga, be koe safaia.

17 Oku ikai tatau mo ia ae koula moe kalisitala: bea e ikai fetogi aki ia ae gaahi teuga koula lelei.

18 E ikai lau ki ai ae feo kulokula, moe mataitofe: he koe mahuiga oe boto oku lahi hake ia i he gaahi maka mahuiga.

19 Oku ikai tatau mo ia ae tobasi o Itiobea, bea e ikai totogi aki ia ae koula haohaoa.

20 Koia, oku ha‘u mei fe ae boto? bea komaa ia ae botu oe ilo?

21 He kuo fufu ia mei he mata oe moui kotoabe, bea fakalilolilo mei he faga manu oe atā.

22 Oku behe e he fakaauha moe mate, Kuo ma fanogo ki hono ogoogo oia aki ho ma teliga.

23 Oku ilo‘i e he Otua a hono hala, bea oku ne ilo‘i mo hono botu.

24 He oku ne jio ki he gaahi gataaga o mamani, bea oku ne afio‘i aia kotoabe oku i lalo lagi;

25 Ke ne gaohi ae mamafa oe matagi; bea oku ne tuutuuni ae gaahi vai i he fuofua.

26 I he ene fokotuu ae fono ki he uha, bea moe hala ki he uhila oe mana:

27 Koia naa ne mamata ki ai, bea fakaha ia; naa ne fokotuu mau ia, io, bea naa ne hakule ki ai.

28 Bea nae behe eia ki he tagata, Vakai, koe manavahe kia Jihova, koe boto ia; bea koe afe mei he kovi koe ilo ia.