¶ 1 OKU tetetete hoku loto foki i he mea ni, bea homo mei hono botu.

2 Ke ke fanogo lelei ki he logoaa o hono le‘o, moe fatuliji oku alu atu mei hono fofoga.

3 Oku ne fakahinohino ia i he lalo lagi kotoabe, mo ene uhila oku a‘u atu ki he gaahi gataaga o mamani.

4 Hili ia oku uulu ae le‘o: oku ne mana aki ae le‘o o hono geia; bea i he ogo‘i o hono le‘o e ikai te ne taofi ia.

5 Oku mana fakamanavahe mai e he Otua aki hono le‘o; oku fai eia ae gaahi mea lahi, aia oku ikai te tau faa ilo‘i.

6 He oku behe eia ki he uha hinehina, ke ke i he kelekele koe; bea behe be ki he taumoji, moe uha lahi foki o hono malohi.

7 Oku ne tabuni ae nima oe tagata kotoabe; koeuhi ke ilo e he tagata kotoabe a ene gaue.

8 Bea oku toki hu ae faga manu ki he gaahi ana, o nofo i ho nau gaahi botu.

9 Oku ha‘u ae ahiohio mei he feituu toga: moe momoko mei he tokelau.

10 Oku tubu ae falositi i he mānava ae Otua; bea oku abiabi ai ae māukubu oe gaahi vai.

11 Bea i he faa uha oku ne fakamanifinifi ae ao matolu: oku ne veteki a ene ao gigila:

12 Bea oku ave fakatakamilo ia e he ene fakakaukau: koeuhi ke nau fai aia kotoabe oku ne fekau kiate kinautolu i he fuga o mamani i he fonua.

13 Oku ne bule ke ha‘u ia, koe mea tautea, be koe mea a hono fonua, be i he aloofa.

14 Ke ke fakafanogo, e Jobe, ki he mea ni: tuu mai o fakakaukau ki he gaahi gaue fakaofo ae Otua.

15 Oku ke ilo nae fakatonutonu ia anefe e he Otua, bea bule ke huhulu ae māma o ene ao?

16 Oku ke ilo ae botubotumalie oe gaahi ao, ae gaahi gaue fakaofo oia aia oku haohaoa i he ilo?

17 Bea oku mafana fefe ho gaahi kofu, oka ne ka fakatofutofu ae fonua aki ae matagi toga?

18 He naa ke kau mo ia i he folahi atu ae lagi, aia oku malohi, bea oku tatau moe jioata haka?

19 Ako mai kiate kimautolu be koeha te mau tala kiate ia; he oku ikai te mau faa fakatonutonu e mau lea, koe mea i he fakabouli.

20 E tala kiate ia oku ou lea? kabau e lea ha tagata, koe mooni e fogia hifo ia.

21 Bea koeni oku ikai mamata e he kakai ki he māma gigila oku i he gaahi ao: ka oku alu ae matagi, o ne fakamaa ia.

22 Oku ha‘u ae afua mei he tokelau: oku i he Otua ae geia fakamanavahe.

23 Koe Mafimafi, oku ikai te tau faa ilo‘i ia: oku lahi ia i he malohi, moe fakamāu, bea mohu agatonu: e ikai te ne tautea.

24 Koia oku manavahe ai ae kakai kiate ia: oku ikai te ne tokaga ki ha toko taha oku loto boto.