¶ 1 BEA nae fai be e Elihu a ene lea, o ne behe,

2 Oku ke mahalo oku totonu eni, a hoo lea o behe, Ko eku maonioni oku lahi ki he Otua?

3 He naa ke behe, Koeha hono aoga kiate koe? bea koeha a totogi teu ma‘u  o kabau e fakamaa au mei he eku agahala?

4 Teu tala kiate koe, mo kinautolu oku kaumea mo koe.

5 Jio ki he gaahi lagi, o mamata; bea vakai ki he gaahi ao aia oku maoluga hake iate koe.

6 Kabau oku ke fai agahala, koeha oku ke fai kiate ia? bea kabau kuo tubu o lahi a hoo talagataa, koeha oku ke fai kiate ia?

7 Kabau oku ke maonioni, koeha oku ke foaki kiate ia? be koeha ia oku ne ma‘u i ho nima?

8 E kovi nai hoo agahala ki he tagata o hage ko koe; bea e aoga nai hoo maonioni ki he foha oe tagata.

9 Koe mea i he lahi oe gaahi mea fakamalohi oku tagi ai ae kau fakamalohia; oku nau tagi kalaga i he nima oe malohi.

10 Ka oku ikai behe e ha taha, Kofaa ia ae Otua ko hoku tubuaga, aia oku ne foaki ae gaahi hiva i he bo;

11 Aia oku ako lahi hake kiate kitautolu i he gaahi manu oe fonua, o ne fakaboto lahi hake akitautolu i he gaahi manu buna oe atā?

12 Oku nau tagi i ai, ka oku ikai lea ha toko taha, koe mea i he laukau ae kau tagata kovi.

13 Koe mooni e ikai fanogo ae Otua ki he launoa, bea e ikai tokaga ki ai ae Mafimafi.

14 Naa ke lea, o behe, E ikai te ke mamata kiate ia, ka oku i hono ao ae fakamāu, koia ke ke falala kiate ia.

15 Ka koeuhi oku ikai behe eni, koia kuo ne aahi ai i hono houhau; ka oku ikai te ne ilo ia i he mamahi lahi:

16 Koia oku mafaa taeaoga ai ae gutu o Jobe; oku ne fakalahi ae gaahi lea i he tae ilo.